![Бүгін еліміздің басым бөлігінде жауын-шашын болады](/media/2020/09/15/1553912336_12.jpg)
Синоптиктердің мәліметінше, республиканың кей жерінде екпінді жел, дауыл, бұршақ болжанады. Түнде және таңғы уақытта еліміздің солтүстік-батысында және қиыр солтүстігінде тұман күтіледі. Қазақстанның оңтүстік-батысында ғана жауын-шашынсыз күн райы сақталады.
Атап айтқанда, Қостанай облысының кей жерінде тұман, дауыл, бұршақ күтіледі, желдің екпіні күндіз 25 м/с күшейеді.
Ақмола, Солтүстік Қазақстан облыстарында таңертең және күндіз кей жерде дауыл тұрып, желдің күші 25 м/с дейін артуы мүмкін, Бұршақ жаууы ықтимал. Солтүстік Қазақстан облысында түнде және таңертең тұман күтіледі.
Қарағанды облысының кей жерінде дауыл, бұршақ, күші күндіз 23 м/с дейін жететін жел болжанады.
Ақтөбе облысының кей жерінде дауыл тұрып, жел 15-20 м/с күшейеді.
Қызылорда облысында күндіз жел 15-20, кей жерлерде 23 м/с күшейеді, кей жерде шаңды дауыл күтіледі.
Күндіз Алматы, Түркістан, Атырау, Батыс Қазақстан, Шығыс Қазақстан облыстарының кей жерінде, Павлодар облысының батысында жел 15-20 м/с артады.
Жамбыл облысының таулы аудандарында таңертең және күндіз дауыл күтіледі, бұршақ жаууы ықтимал, күндіз кей жерлерде жел 15-20 м/с күшейеді.
Қызылорда облысының басым бөлігінде, Қарағанды, Түркістан облыстарының кей жерінде, Атырау облысының оңтүстігінде, Алматы облысының батысында төтенше өрт қаупі сақталады.