Ұлттық орталықта қалай ем алуға болады?

Пандемия ырғақты өмір­­дің жүрісін өзгертуге мәж­бүрледі. Әлемге әмі­рін жүр­гізген індеттің қиын­дығына қарамастан карантин кезінде де, орталықта наурыз бен тамыз айлары аралығында 1190 нау­­қасқа нейрохирургиялық кө­мек көрсетілді. Қиын күн­­­дер­де қаншама жанға те­леме­дицинаға сүйеніп жәр­дем бе­рілді. Бір ғана мысал. Түр­кіс­тан облыстық кли­ни­калық ауруханасына бас сүйегі мен миына ауыр зақым келген пациент келіп түседі. Келесі кү­ні об­лыстағы әріптестер Ұлт­­­тық орталыққа хабарла­с­ты.­ Жағдайды ежік­теп сұрап, тал­дамалармен таныс­­қан орта­лық мамандары пациентке қа­тысты әрі қа­райғы емдеу тактикасын түзеді. Жедел МРТ тү­сіріліп, одан соң ауруға опе­­ра­цияны қалай жүргізу керек­тігін анықтау қажеттігі айтылды. Бұл пан­демияның біз­дің еліміз­ге де тырнағын қат­ты батырып тұрған кезі болатын.

Бүгінде стационардағы пациенттер емді толық көлемде алып жатыр, ал амбулаторлық пациенттер үшін медициналық қызметтер барлық санитарлық-эпидемиялық нормаларды сақтай отыра, кезең-кезеңімен жандану үстінде. Нейрохирург, невролог (ересектер және балалар) қабыл­дауларына қаралушылар алдын ала жазылу арқылы келуі тиіс, дейді орталықтың жауапты қызметкерлері.

Індет қыспағы адамдардың аяқтарын да тұсап тастады. Жұмысы тоқтап, қаржыдан қысылып, Нұр-Сұлтан қала­сына келіп қарала алмайтын жандардың да барлығы аян. Сол жағдайды және өзге де қажеттілікті ескерген орталық сырттай консультацияларды онлайн және электронды форматта жүзеге асырады. Ол үшін пациент шағымдарын, ауыру тарихын, пациенттің жай-күйін немесе медициналық көшірмені, сондай-ақ КТ, МРТ нәтижелерін көрсеткен мәліметтерді neuro_omo@mail.ru мекенжайларына қысқаша хат түрінде жіберу қажет. Ал дискідегі КТ немесе МРТ суреттері керек болғанда, барлық файлдарды дискіден компьютерге көші­ріп, диск файлдарын RAR не­месе ZIP форматында архивтеп, хатқа файлды немесе файлды жүктеу сілтемесін қоса тіркеп, жоғарыда көр­сетілген электронды пошта мекенжайларына жіберу керек. Ал пленкада КТ немесе МРТ суреттерін жіберу қажет болған жағдайда телефон камерасына немесе фотоаппаратқа жарық фонда түсіріп (пленканы терезеге салып түсіруге болады) барлық файлдарды мүмкіндігінше jpeg форматында сақтап, бір қалтаға жинап, файлдарды немесе файл сілтемесін қосып, электронды пошта мекен­жайларына жіберу керек.

Бұған қоса Ұлттық нейрохирургия орталығы емдеуге жатқызу бюросы порталы арқылы нейрохирургиялық патологиясы бар ересек пациенттер мен балаларды емдейді. Бұл үшін пациентте ЖРВИ белгілерінің болмауы (мұрыннан су кету, жө­тел, дене қызуының көте­рілуі), консультациялық қоры­тындыда көрсетілген тізбеге сәйкес зертханалық және аспаптық тексеру әдістерінің нәтижелері қажет. Сонымен қатар  COVID-19 тестінің ПТР нәтижелері міндеттелген. Ал оның мерзімі талдау жүр­гізілген сәттен бастап 5 күн­нен аспауы керек. Бұдан бас­қа, консультациялық қо­­ры­­тындыда көрсетілген тіз­беге сәйкес зерттеулердің зертханалық және аспаптық әдістерінің (АИТВ-ға қан талдауы, В және С гепатиттері, флюорография және т.б.) қорытындылары қажет. Бір ес­керетін дүние, олардың тапсырылу мерзімдеріне на­­зар аудару керек, дейді ней­рохирургия саласында жо­ғары білікті көмек беретін орталық.

Індет медициналық кө­­мек беру саласына өзі­нің бұйрығын, әмірін жүр­гізді. Көптеген медици­на мекемелері қайта жаб­дық­талып, КВИ-мен күре­сетін провизорлық орта­лықтарға айналды. Осын­дай күрделі кезеңде орта­лықтағы отандық нейрохирургтар аймақтардағы әріптестеріне қазіргі заманғы технологиялардың көмегіне жүгіне отыра білгенімен бөлісіп, қолұшын созуға әзір. Бұл ретте телемедицинаның мүмкіндігін пайдаланып, жер-жердегі әріптестерге нейрохирургия бойынша ауыр науқастарды айықтыру, қатарға қосу жайында кеңестер беруге әзірміз, дейді орталық қызметкерлері.