Қоғам • 16 Қыркүйек, 2020

"Жас сарбаз" тәрбиеленушілері "Ерлік сабақтарына" қатысты

15 рет көрсетілді

"Ерлік сабағы" санитарлық-эпидемиялық талаптарды сақтай отырып өткізілді, деп хабарлайды Egemen.kz елорда әкімдігінің ресми сайтына сілтеме жасап.

Қарулы Күштердің Ұлттық әскери-патриоттық орталығында "Жас сарбаз" әскери-патриоттық қозғалысының астаналық филиалының тәрбиеленушілері Парламент Мәжілісінің депутаты, Халық Қаһарманы, генерал-лейтенант Бақытжан Ертаевпен кездесті.

Жас патриоттар заманауи қазақстандық армия, әскери қызмет және әскери қызметші мамандығы туралы білді. Қонақтар патриотизм, батылдық, әскери борышқа адалдық сияқты ұғымдар туралы айтты. Әңгімеден оқушылар Қарулы Күштердің құрылу тарихы мен қазіргі жағдайынан хабардар болды.

"Отанға қызмет ету үшін қажырлы еңбек ету, патриот болу, өз бетімен тынымсыз жұмыс істеу, кәсіби шеберлікті арттырып, жаңа дағдыларды игеру қажет. Өскелең ұрпақтың бойынан елімізге деген патриоттық сезім табылуы керек. Әскерге шақырылған жастар Отан алдындағы борышын абыроймен атқаратынына сенімдімін", - дейді Бақытжан Ертаев.

Балалар бейресми әңгімеге белсенді қатысып, өздерін қызықтырған сұрақтарын қойды.

"Елімізге танымал адамдардың өмір тарихын білу мен үшін өте қызық. Біз үшін олар еліміздің дамуына өз үлесін қоса алатын қажырлы еңбегінің арқасында кез келген адамның табысқа қол жеткізе алатындығының мысалы болып табылады", – дейді "Жас сарбаз" тәрбиеленушісі Мадина Бауыржанқызы.

Іс-шара соңында Халық қаһарманына "Жас сарбаз" жасөспірімдер әскери-патриоттық қозғалысының "Құрметті мүшесі" белгісі табысталды.

"Ерлік сабақтары" қазақстандық оқушылар үшін тұрақты негізде өткізіледі. Өткен жылдан бастап "Жас сарбаз" тәрбиеленушілері үшін олар еліміздің дамуына үлес қосқан көрнекті тұлғалармен тікелей кездесулер форматында ұйымдастырылады. Бұған дейін жас патриоттар қазақстандық ғарышкер, Халық Қаһарманы, авиация генерал-майоры Айдын Айымбетов, сондай-ақ белгілі спортшы, қоғам қайраткері Ардақ Назаровпен кездесті.

Дәстүрлі "Ерлік сабағы" санитарлық-эпидемиялық талаптарды сақтай отырып өткізілді.

Соңғы жаңалықтар

Тағы бір әкім қызметінен кетті

Аймақтар • Бүгін, 18:06

Мэннидің тағы бір мәрттігі

Кәсіпқой бокс • Бүгін, 16:32

33 млн теңге айыппұл салынды

Қоғам • Бүгін, 08:39

Балаларға базарлық көбейді

Аймақтар • Бүгін, 08:38

Ұқсас жаңалықтар