Руханият • 18 Қыркүйек, 2020

Топ балаға қысқы киім әперді

18 рет көрсетілді

Қостанай облысында «Мектепке жол» акциясы жалғасуда. Қайырымдылық шарасына шағын бизнес өкілдері, мемлекеттік мекемелердегі жекелеген ұжымдар мен іргелі кәсіпорындар белсенді атсалысып келеді.

Қостанай қаласында тұратын жалғызбасты ана Надежда Дмитриеваның үйелмелі-сүйел­ме­лі 8 баласы бар. Рузана, Эльвина, Вероника, Александра, Анастасия, Любовь, Виктория есім­ді жеті қызы үйдің кенжесі Викторды қолдан түсірмей, анасына қолғанат болып өсіп келеді. «Қостанай су» кәсіпорны биыл бұл үйдегі 8 балаға қысқы киім сатып алып беруді жөн көріпті. Үр жаңа қысқы күрте, сәнді комбинезон, бас киім, жылы әрі жеп-жеңіл етіктерді киіп көрген шиеттей балалар шаттыққа ке­не­­ліп қуанып қалды.

– Біз Дмитриевтер отбасын бұрыннан білеміз. Жыл он екі ай ішінде айналып келетін әр маусым қарсаңында міндетті түрде көмек көрсетуді үрдіске айналдырдық. Биыл «Мектепке жол» акциясы аясында жылы киімдер әкелдік. Көп бала тәрбиелеп отырған кәсіпорын жұмысшыларының отбасын да назардан тыс қалдырып көрген емеспіз. Оларды да мүмкіндігінше базарлықпен қуантып, тарту-таралғы жасап тұрамыз, – деді «Қостанай Су» МҚК директорының маркетинг және жалпы мәселелер жөніндегі орынбасары Арман Жүнісов.

Дмитриевтер отбасы биыл мемлекеттік бағдарлама бойынша баспаналы болыпты.

– Жалғызбасты адамға шиеттей баланы бағып-қағып өсіру қиын ғой. Дегенмен көпшіліктің, мемлекеттің қамқорлығын сезініп отырмын. Адамға кәдімгідей жігер береді. Қазір басымызда баспана бар. Бұған дейін қаладағы жеке үйлердің бірін жалдап тұрдық. Әуелі жетімдер санатында пәтер кезегіне тұр­дым. Кейін әлеуметтік аз қамтылғандар тобының өкілі ретінде тіркелдім. Соңғы рет көпбалалы ана ретінде кезекке тұрып, көп кешікпей пәтер алып, баспана бақытына кенелдік. Үйіміз кең, бәрімізге орын жетеді. «Қостанай Су» кәсіпорны осымен үшінші жыл көмек қолын созып келеді. Биыл мамырда пәтерлі болғанымызды естіп, арнайы келіп құттықтап, тіпті үй құжаттарын ресімдеуге дейін көмектесті, – деді жал­ғыз­бас­ты ана.

Аталған ұжымның көпба­ла­лы және толық емес отбасыларда тәрбиеленіп жатқан 40 баланы өз қамқорлығына алып, тұрақты қолдау көрсетіп отырғанын айта кеткен жөн.

 

Қостанай облысы

 

Соңғы жаңалықтар

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар