Қоғам • 21 Қыркүйек, 2020

Жер үйлердің дайындығын тексерді

63 рет көрсетілді

Төтенше жағдай министр­лігінің жеке құрамы Нұр-Сұлтан қаласының Алматы ауда­нында арнайы рейд жүр­гізді. Мақсат – жер үйлердің қысқы жылыту маусымына дайындығын тексеру.

Төтенше жағдай министрлігі 15 тамыздан бері республика бойын­ша өрт қауіпсіздігі айлығын ұйым­дастыруда. Осылайша, жылыту мау­­сымы жақындаған тұста тұр­ғын­дар­дың назарын әдеттегідей қа­уіп­сіздік шараларына аударып отыр.

– Жылдағы дәстүр бойынша же­ке секторда тұратын адамдар ара­сында рейд өткізудеміз. Ма­қсат – өрт қа­уіпсіздігінің негізгі ереже­лерін тү­сіндіру. Бірінші кезекте тұрмысы тө­мен және көпбалалы отба­сылардың үй-жайын тексеруге басымдық бері­леді, – деді минис­трліктің басқарма бас­тығы Орал Әбдірахманов.

Төтенше жағдай мамандары жылу пештері мен қондырғыларының дайындығына мән береді. Сондай-ақ тұрғындарды пеш мұржаларын ыстан тазартуға шақырады.

Деректерге сүйенсек, былтырғы жылыту маусымында республика бойынша 5 мыңнан астам өрт шыққан. Салдарынан 222 адам көз жұмды. Бұған негізінен пеш жақ­қанда қауіпсіздік ережелерін сақ­тамау себеп. Сонымен қатар элек­тр желілерін монтаждағанда, іске қос­қанда қауіпсіздік ережелерінің бұзылуы да төтенше жағдайға түрткі болады.

Өкінішке қарай халықтың өрт қауіпсіздігіне қарсы мәдениеті әлі ақсап тұр. Ведомство мамандары тарапынан арнайы рейдтердің жиі жүргізілетіні де сондықтан. Түсіндіру жұмыстары төтенше жағдайдың алдын алуға септігін тигізеді.

– Жылу пештерінің мұржасы үш айда бір рет тазалануы керек. Ал үздіксіз жұмыс істейтін пештерге екі айда бір рет назар аударған абзал. Пешті қараусыз қалдырмау керек. Әсіресе баласы бар үйлер мұқият болған жөн. Бұдан бөлек қызып тұрған пештің үстіне аяқ киім мен су ағашты кептіруге болмайды, – дейді Төтенше жағдайлар министрлігінің өкілдері.

Соңғы жаңалықтар

Ұқсас жаңалықтар