Қоғам • 01 Қазан, 2020

Өнеркәсіп саласын цифрландыруға назар аударды

207 рет
көрсетілді
1 мин
оқу үшін

Индустрия және инфра­құрылымдық даму министр­лігінде өнеркәсіп саласын цифрландыруды талқылау аясында вице-министр Динара Щеглова «Цифр» компаниясының басшы­лығы және «Инновациялық техно­логиялар паркі» дербес клас­тер­лік қорының өкілдерімен кездесті.

Өнеркәсіп саласын цифрландыруға назар аударды

Кездесу барысында жұмыс істеп тұрған кәсіпорындардың негізгі қорларын трансформациялау және цифрландыру перс­пективаларын қоса алғанда, тех­нологиялық прогрессивті өнер­кәсіпке көшу мүмкіндігі талқыланды. «Цифр» компаниясы Қазақстан аумағында бірқатар маңызды жобаларды іске асыру туралы айтты. Әрі Ресей Федерациясында Индустрия 4.0 орталығын құру бойынша тәжірибесімен бөлісті. Одан бөлек, тараптар өнеркәсіпті цифр­лы трансформациялаудың жал­ғыз жолы ретінде адами ка­питалды дамытудың маңыз­ды­лығын атап өтті.

Қазақстанда отандық кәсіп­орын­дар «Цифр» компаниялар тобымен ынтымақтастық ин­новациялық өнімдер мен шешім­дерді интеграциялау үшін плат­форма құруға, сонымен бірге жергілікті кадрлардың құзырет­тілігін дамытуға мүмкіндік бе­реді.

«Цифр» компаниялар тобы өнер­кәсіптік жасанды интеллект және интернет заттары негізіндегі ше­шімдерді әзірлеп, енгізеді. Робот­тандырылған өнеркәсіптік көлік индустриясын дамытады. «Цифр» компаниясының өнімдері Ресей, Финляндия, Үндістан, Франция, Германия, Болгария, Румыния, Сингапур, Марокко, Чили, Перу, ОАР-дың тау-кен өндіру, мұнай-газ, химия және машина жасау салаларының тиімділігі мен қауіпсіздігін арттырады. Кездесу қорытындысы бойынша тараптар келешекте ынтымақтастықты нығайтуға дайын екендіктерін білдірді.