Экология • 14 Қазан, 2020

Кодекстің қабылдануына қарсы

189 рет
көрсетілді
3 мин
оқу үшін

Тау-кен өндіру және тау-кен металлургия кәсіп­орын­дары­ның республикалық қауымдастығы (ТМКҚ) еліміз­дегі жаңа Экологиялық кодекстің қабылдануына қарсы. Қауымдастық өкілдері жаңа заң экологияны жақсарт­қанымен экономикаға нұқсан келтіреді деп санайды.

Кодекстің қабылдануына қарсы

 

Үкімет аталған құжаттың жобасын бекіткені мәлім. Алайда қазақстандық іскер орта құжаттағы бірқатар кем­шілікті сынға алды. ТМКҚ-ның атқарушы директоры Николай Радостовецтің айтуынша, Экологиялық кодекс қоршаған ортаны жақ­сартуға бағытталғанымен эко­­номикалық тәуекелдері тым жоғары.

«Жаңа заңның жобасын­да мемлекет қоршаған ор­таға зиянды заттардың шы­ға­рындыларын азайту мақ­сатында өнеркәсіп орындарына озық қолжетімді технологияларды (ОҚТ) енгізу үшін экономикалық ынталандыруды қарастырмай, экологиялық төлемдер мен айып­пұлдарды үнемі ұл­ғай­туды көздемек. Егер еуро­палық стандарттарды алатын болсақ, онда Қазақстанның көлемінде озық қолжетімді техно­логияларды енгізу құ­ны миллиондап емес, мил­лиард­таған доллармен өл­шенеді. Бұл біздің кә­сіп­­орындар үшін қыруар қара­жат. Мемлекеттік қол­даусыз ОҚТ-ны енгізуге бай­ланысты қымбат жобалар­ды ауқымды іске асыру өнер­кәсіптік өнімнің өзін­дік құнының өсуіне және оның әлемдік нарықтағы бә­­секеге қабілеттілігінің тө­­мендеуіне әсер етеді. Бұл өн­дірістің қысқаруына немесе тіпті тоқтап, жаппай жұ­мыссыздыққа әкелуі мүм­кін», деді Н.Радостовец.

Мұнай-газ және металлургия саласы отандық эко­­­но­миканың негізгі қоз­ғаушы күші. Бұл сектор зардап шексе, оның салдары рес­публикалық бюджеттен, ша­ғын және орта бизнес және тұтастай халықтың әл-ауқа­тынан көрінуі мүм­кін.

«Қазір Экологиялық ко­декстің жобасы дайын деп айту қиын. Өйткені 36 тү­зетуді енгіздік. Сондықтан бұл пысықталып, енгізілген тү­­зетулердің бір бөлігі Үкі­меттің қарауында жатыр. Бірақ даулы мәселелерге бай­ланысты ортақ келісімдер бар деп айтуға болады», деді ТМКҚ атқарушы дирек­то­ры­ның орынбасары Ербол Закариянов.

Салалық ұйым Өндірістік геологиялық ұйымдар қа­уым­дастығымен бірлесіп, елі­міздегі геологиялық жұ­мыс­тарды қолдауға ба­ғыт­­талған нақты шаралар­ды ұсын­ды. Айталық, эко­но­ми­калық ынталандыру ре­тінде геологиялық барлау жұ­­мыстарына жұмсалатын қар­­жылық шығыстарды Ғы­лыми-зерттеу және тә­жі­рибелік-құрастыру жұмыс­тарына жатқызу, сондай-ақ геологиялық барлауды қо­сымша құн салығынан бо­сату мүмкіндіктері қарас­ты­рылып отыр. Неге десеңіз, жер қойнауына жүргізілетін геологиялық зерттеу 70-80% ғылыми міндеттерді орындайды. Сала өкілдері гео­логиялық барлау жұмыс­тарын жер қойнауын игерумен шатастыруға болмайтынын еске салды. Се­бебі жер қойнауын зерттеу жоғары тәуекелдермен ерек­шеленіп, ғылыми-өндірістік есептер түрінде пайдалы қаз­балардың ресурстары мен қорларын табу және ба­ғалаумен аяқ­талса керек. Аталған жұмыс­тарды қар­жыландыру жер қой­на­уына салынған инвестиция деп қабылдау керек дейді геолог­тер. Бұл мемлекеттік бюд­жет есебінен және жеке инвесторлардың қаражатымен жүзеге асырылады.