ІІМ ресми өкілі Нұрділдә Ораз: "Қарағандыда есірткі бизнесіне қарсы күрес бөлімшесінің қызметкерлері үш жасөспірімді ұстады. Олар осы мақсат үшін арнайы пәтерде синтетикалық есірткі шығаратын есірткі зертханасын ұйымдастыруға тырысқан. Тінту кезінде арнайы құралдар мен химиялық реагенттер алынды", дейді ол.
Аталған факті бойынша сотқа дейінгі тергеу жүргізіліп, тиісті сараптамалар тағайындалды.
Ішкі істер министрлігі ата-аналарға балаларды тәрбиелеуге тиісті көңіл бөлуге, олардың мінез-құлқын бақылауға және бақылаусыз қалдырмауға кеңес береді.
