Атырауда студенттер жатақханасы өртенді

Төтенше жағдайлар департаментінің мәліметіне сүйенсек, кеше жатақхананың бірінші қабатын өрт шарпыған. Өрт ұзартқыштың қысқа тұйықталуынан шыққан. Өрт сөндірушілер келгенге дейін жатақханадан 36 адам, оның ішінде 8 бала шығып үлгеріпті.

"Жатақханада 21 отбасы тұрады. Олар – оқытушылар. Өртті сөндіруге 20 қызметкер мен 6 арнайы техника жұмылдырылды", деп хабарлады департаменттің баспасөз қызметі.