Е тобында бақ сынайтын «Челси» клубы сырт алаңда «Краснодар» командасынан 4:0 есебімен басым түсті. Ал өткен турда «Челсимен» тең ойнаған «Севилья» бұл жолы Люк Де Йонгтің соққан голының арқасында «Реннді» жеңді. F тобында «Боруссия Д» өз алаңында «Зенитті» 2:0 нәтижесімен тізе бүктірсе, топтағы екінші кездесуде «Лацио» Бельгияда «Брюггемен» (1:1) ұпай бөлісті.
Турдың ең қызықты ойыны G тобында болды. Туринде «Барселона» клубын қабылдаған «Ювентус» каталониялықтардан жеңіліп қалды. Дембеле мен Мессидің соққан голдары «Барселонаға» үш ұпай сыйлады. Екінші ойында Киевтің «Динамосы» Мажарстанда «Ференцварош» (2:2) клубымен тең ойнады. Н тобында ПСЖ Кеннидің дублінің арқасында «Башакшехирді» жеңіп, Түркияда 3 ұпай олжалады. Ал «МЮ» Манчестерде «Лейпцигтің» қақпасына жауапсыз бес гол соқты. Кездесудің 63-минутында алаңға шыққан Маркус Рэшфордтің хет-трик жасағанын айта кетейік.
