Аймақтар • 30 Қазан, 2020

Елордада коттеджде болған өрт сөндірілді

241 рет

көрсетілді

1 мин

оқу үшін

30 қазанда сағат 11.40-та елордалық өрт сөндіру қызметінің 101 пультіне Нұр-Сұлтан қаласы Шұбар шағын ауданында Темірқазық көшесі бойындағы екі қабатты коттедждің шатыры және оған жапсарлас уақытша салынған құрылыс жанып жатқаны туралы хабарлама түсті. Бұл туралы ҚР ТЖМ ресми өкілі Талғат Уәли хабарлады.

Ақмарал АҒЗАМҚЫЗЫ

Елордада коттеджде болған өрт сөндірілді

Өрт орнына сағат 11.47-де Нұр-Сұлтан қаласы ТЖД күштері мен құралдары келіп жетті. Өрттің алдын ала көлемі 150 шаршы метрді құрады. Қаза болғандар мен зардап шеккендер жоқ. Өрттің шығу себептері анықталуда.

Өрт сағат 12:10-да оқшауланды, сағат 13.24-те сөндірілді. Өртті сөндіруге Нұр-Сұлтан қаласы ТЖД, Апаттар медицинасы орталығынан, жедел-жәрдем бригадасынан, полиция департаментінен 34 қызметкер мен 9 бірлік техника жұмылдырылды.