Оның айтуынша, екі боксшының жекпе-жегі 18 немесе 19 желтоқсанда АҚШ-та өтеді деп жоспарланған. Ал кездесуді DAZN тікелей эфирде көрсетпек. Сондай-ақ Коппинджер қазақстандық боксшы келесі жылдың көктемінде бұдан да маңызды жекпе-жек өткізетінін айтты.
«Геннадий Головкин 18 немесе 19 желтоқсанда екі бірдей белдігін қорғайтын болады. Оның бұл жолғы қарсыласы – Камил Шеремета. Егер бұл айқаста Головкин атақтарын сәтті қорғаса, 2021 жылдың көктемінде титулды жекпе-жек өткізеді», деп жазды Майк Коппинджер.
Айта кетейік, Головкин кәсіпқой шаршы алаңдағы ең кейінгі жекпе-жегін 2019 жылдың қазанында украиналық Сергей Деревянченкомен өткізіп, ұпай санымен басым түскен-ді. Дәл сол бокс кешінде өнер көрсеткен Шеремета мексикалық Оскар Кортесті нокаутпен жеңген болатын.
