Туризм • 20 Қараша, 2020

«Эко-Сергек» табиғатты қорғауға септеседі

15 рет көрсетілді

Алматыда «Іле-Алатау» мемлекеттік ұлттық табиғи паркінде экотуризмді дамыту мақсатында құрылған Қоғамдық кеңестің көшпелі отырысы өтті. Басқосу барысында парк аумағындағы қалдықтарды бөліп жинау алаңдары таныстырылды.

Іле-Алатау қатты тұр­мыс­­­тық қалдықтарды бөлек жи­наудың инфрақұрылымын толыққанды жасақтаған Қа­зақстандағы алғашқы ұлттық парк болып отыр. Экология, геология және табиғи ресурстар министрлігінің тапсырмасымен қорық аумағында барлығы 31 жаңа қалдық алаңдары орнатылып, ӨКМ Операторы 225 контейнер қойған. Сондай-ақ құрғақ және дымқыл қалдықты екі бөлек салып әкету үшін елі­мізде баламасы жоқ көліктік техника құрастырылды.

«2019 жылы Ұлттық парк­ке 300 901 адам келді. Бұл көр­сеткіш артады деп күтілуде. Сон­дықтан 2030 жылға дейін парк аумағындағы қатты тұр­мыстық қалдықтарды сұ­рып­тау деңгейін 85%-ға дейін жет­кізуді жоспарлап отырмыз. Қалдық алаңдары Алма-Ара­сан, Мұзтау, Қимасар, Ақ­қайың, Қаскелең, Ақсай, Есік, Түр­ген және т.б. шатқал­дар­да ор­натылды», – деп атап өтті «Іле-Алатау» МҰТП Бас директоры Дамир Малгелдиев.

Экология вице-министрі Ерлан Нысанбаев ұлттық парк аумағында 30 «Эко-Сергек» камерасы орнатылатынын хабарлады. Бұл жоба жергілікті әкім­дікпен бірге жүзеге асы­рылмақ.

– Біз азаматтарымыздың табиғатта өздерін ұстау мәде­ниетіне қарап, осындай шаралар қабылдауға мәжбүрміз. Ке­лушілер жиі қоқыс қалдырады, темекі тұ­қылын тастайды, жаққан отты өшірмей, өртке себеп­кер болады. Вандализм фак­тілері де кездеседі. Әрине, «Эко-Сергекті» енгізудегі бас­ты мақсатымыз айыппұл салу емес, табиғат ананы қорғау, түсіндіру жұмыстарын жүргізу – деді Ерлан Нысанбаев.

Бейнебақылау құрыл­ғы­лары тек туристерді тәр­тіп­ке салып қана қоймай, өрт шық­­қан кезде жедел дабыл қа­ғып, жылдам әрекет етуге, бр­а­коньерлерді анықтауға сеп­­­­теспек. Вице-министрдің сө­зінше, қоқысты сұрыптап тас­­­тау алаңдары мен «Эко-Сер­­гек» тәжірибесін біртіндеп басқа ұлттық парк­терге де ен­гізу жоспарда бар. Айтылған ұсы­ныстар Қоғамдық кеңес мү­шелері тарапынан толық қол­дау тапты. Түрген, Алма-Ара­сан шатқалдарындағы эко­туризмдік инфрақұ­ры­лымдарды же­тілдіру, эко­логиялық білім мә­селесі жиын­ның өзегіне айналды.

 

АЛМАТЫ

 

Соңғы жаңалықтар

Қаламгерге құрмет

Руханият • Кеше

Ұқсас жаңалықтар