Аймақтар • 26 Қараша, 2020

"Қашағанда" өндірілген мұнай 50 млн тоннаға жетті

246 рет
көрсетілді
1 мин
оқу үшін

Каспий теңізінің қазақстандық секторындағы ең ірі кеніш – "Қашаған". Бұл кен орнынан мұнай өндіру 2013 жылы басталған еді. Ал 2016 жылы мұнда "қара алтын" алу қайта жалғасты. Соңғы төрт жылда өндірілген мұнайдың көлемі 50 млн тоннаға жетті, деп хабарлайды Egemen.kz.

"Солтүстік Каспий жобасының операторы – NCOC компаниясы тағы бір маңызды көрсеткішке қол жеткізді. "Қашаған" кен орны 2016 жылдан бері 50 млн тонна мұнай өндіріліп, экспортталды. Компания COVID-19 инфекциясының таралуын болдырмау мақсатында қауіпсіздік шараларын қабылдап, нысандардағы жұмыс күшін шектеген. Соған қарамастан, "Қашаған" кен орнын игерудің бірінші кезеңі шеңберінде мұнай өндірудің тұрақтылығын, өзге де нысандардың жұмысын қамтамасыз етуде", деп хабарлады компанияның баспасөз қызметі.