Батыс Қазақстан облысының Денсаулық сақтау басқармасы баспасөз қызметінің өкілдері қыздың үйде тірі бала босанғанын хабарлады.
"Медициналық сарапшылардың қорытындысы бойынша нәресте гипотермиядан қайтыс болған. Қыздың өзі қазір ауруханада, онымен психологтар жұмыс істеп жатыр", деді облыстық денсаулық сақтау басқармасының өкілдері.
Ауыл тұрғындарының айтуынша, қыз колледж студенті екен. Іс бойынша сот-медициналық сараптама тағайындалды.
Облыстық полиция департаментінің баспасөз қызметі өкілдері бұл деректі растады және іс бойынша ҚР ҚК-нің 100-бабы "Жаңа туған баланы анасының өлтiруi" бойынша қылмыстық іс қозғалғанын мәлім етті.
Еске салайық, 2018 жылдың тамызында Қостанай облысының тұрғыны Затобол ауруханасының дәретханасында босанып, сәбиін шелекке лақтырған. Дәрігерлердің қырағылығының арқасында сәби аман қалған еді.
