Заң жобасы Азаматтық, Еңбек, Кәсіпкерлік кодекстеріне және «Қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыру туралы» еліміздің заңдарына өзгерістер енгізеді.
Заң жобасының негізгі мақсаты - персоналмен қамтамасыз ету бойынша қызмет көрсету саласын құқықтық реттеу, келісім жасау тәртібін айқындау және еңбекті қорғау саласындағы тараптардың құқықтары мен міндеттерін белгілеу болып табылады.
Заң жобасы жұмыспен қамтудың осы саласының негізгі тұжырымдамаларын заңнамалық деңгейде бекітуге, жұмысшыларға еңбекақы мен сыйақы төлеу жүйесін нақтылауға, әлеуметтік қорғауды, оның ішінде еңбек жағдайлары зиянды және қауіпті өндірістерде жұмыс істейтіндердің мәселелерін шешуге, өндірістегі жазатайым оқиғаларды тергеу тетігін оңтайландыруға мүмкіндік береді.
