Аймақтар • 02 Желтоқсан, 2020

Жамбылда банк құжаттардың басым бөлігі орыс тілінде жүргізіледі

18 рет көрсетілді

Бүгін өңірлік коммуникациялар қызметінің алаңында Жамбыл облыстық тілдерді дамыту басқармасының басшысы Рахия Тұрмаханбетовабаспасөз брифингін берді.

Басқарма басшысы тоқсан сайын өңірдегі түрлі саланың тіл қолданысы жіті зерделенгенін, облыста банк жүйесі мен құқық қорғау органдары құжаттарының басым бөлігі орыс тілінде жүргізілетіні анықталғанын айтты. Яғни, тілдік ахуалды мониторингілеу мақсатында облыстық және жергілікті атқарушы органдардың кіріс-шығыс құжаттары қадағаланады. Бұл реттеүшінші тоқсан қорытындысы бойынша мемлекеттік органдардағы қазақ тіліндегі шығыс құжаттарының үлес салмағы 99,5 пайызды құраған. Дегенмен, Рахия Тұрмаханбетова қаржы және құқық қорғау қызметі саласындағы қазақ тілінің қолданысы көңілден шықпайтынын, құжаттар орыс тілінде жүргізілетінін атап өтті.

«Мемлекеттік тілді үйрететін тегін курстар тұрақты жұмыс істейді. Бүгінде үш тіл бойынша барлығы 3433 тыңдаушы тегін оқу курстарыменқамтылды. Мемлекеттік тілді оқыту бойынша 2340 тыңдаушы курстан өтсе, оның ішінде 92,9 пайызы өзге ұлт өкілдері. 121 мемлекеттік қызметші, 1372 бюджеттік сала қызметкері, 592 әр түрлі сала қызметкері, 255 студент тіл курстарында болды», деді басқарма басшысы. Сондай-ақ, орыс тілін оқу курстарына 288, ағылшын тілін үйрету курстарына 805 тыңдаушы тартылған. Ал, мемлекеттік тілді меңгерген мемлекеттік қызметшілердің үлесі 48пайызды құраған. Енді биыл бұл жоспарды жүзеге асыру В2 деңгейінде 20 пайыз болса, меже  артығымен орындалды деген сөз. Мемлекеттік қызмет көрсететін өзге ұйымдардағы қызметкерлер үлесі 62,2 пайызды құрап, 26,7 пайызға артқан. Ал, жыл жоспарына сәйкес, В1 деңгейінде 35,5 пайыз болуы керек болған.

 

Жамбыл облысы

 

Соңғы жаңалықтар

Ұқсас жаңалықтар