Азаматтарды онлайн-қабылдау кезінде елорда әкіміне қандай сұрақтар қойылды

Аймақтар • 02 Желтоқсан, 2020

Азаматтарды онлайн-қабылдау кезінде елорда әкіміне қандай сұрақтар қойылды

3 рет көрсетілді

Онлайн-қабылдауларды өткізу төрт есе артты. Жыл басынан бері азаматтарды қабылдау апта сайын жүргізіліп, қабылданған адамдардың саны артуда. Бұл туралы Нұр-Сұлтан қаласының әкімі Алтай Көлгінов өзінің «Инстаграм» парақшасында жазды, деп хабарлайды елорда әкімдігінің ресми сайты.

Ақмарал АҒЗАМҚЫЗЫ

«Онлайн-қабылдауда 10-нан астам отбасын қабылдадым. Егер бір отбасы мүшесінің мәселесі шешілсе, демек барлық отбасы мүшелерінің мәселесі шешіледі. Онлайн-қабылдауларды өткізу төрт есе артты. Жыл басынан бері азаматтарды апта сайын қабылдап келеміз, қабылданған адамдардың саны артып жатыр. Негізгі мәселелер тұрғын үй, білім беру, әлеуметтік көмек, жұмысқа орналасу және т. б. мәселелерге қатысты.

«Бір терезе» қағидаты бойынша қала тұрғындарына 70-тен астам мемлекеттік қызмет, оның ішінде әлеуметтік көмек көрсететін «Жанұя» отбасы институтын қолдау орталығының мысалы бойынша өткен айда тұрғын үй саласында қызмет көрсететін бірыңғай орталық ашылд (Республика даңғылы, 32). Онда тұрғын үй кезегінің нөмірі, кезекке қалай тұру керектігі, түрлі тұрғын үй бағдарламаларының тетіктері және т. б. туралы білуге болады.

Білім саласына келетін болсақ, халықтың әлеуметтік әлсіз топтарынан шыққан балаларға бөлінетін гранттар санын айтарлықтай кеңейттік. Жұмыспен қамту орталығы жұмысқа орналасуға көмектеседі. «Жұмыспен қамтудың жол картасы» бағдарламасы бойынша биыл 15 мыңнан астам жұмыс орны ашылды. Бұл шаралардың барлығы жалғасады.

Азаматтардың қабылдауларында көтерілген мәселелердің бір бөлігі бірден шешімін табады, қалғандары жоспарға алынады», – деп жазды Алтай Көлгінов.

Күннің маңызды және өзекті жаңалықтарын «Егемен Қазақстан» телеграм каналынан оқыңыз