"Бізде жаңа басшыларды тағайындауға бәрі дайын екеніне қуаныштымын. Хельга Шмид бас хатшы, Маттео Мекаччи ДИАҚБ (Демократиялық институттар және адам құқықтары жөніндегі бюро - авт. еск.) директоры, Тереза Рибейро БАҚ бостандығы жөніндегі өкілі болды.
Қайрат Әбдірахманов ЕҚЫҰ-ның аз ұлттар істері жөніндегі жоғарғы комиссары болып тағайындалды", - деді Рама.
Қайрат Әбдірахманов Сыртқы істер министрлігін 2016 жылдың желтоқсанынан 2018 жылдың желтоқсанына дейін басқарған болатын.
Қ.Әбдірахманов елші ретінде әр жылдары Израильде, Австрияда, Словенияда жұмыс істеген. 2008-2011 жылдар аралығында ЕҚЫҰ жанындағы Қазақстанның тұрақты өкілі болған. Бірнеше жыл бойы Қазақстан Республикасының БҰҰ жанындағы тұрақты өкілі қызметін атқарған.
