Суретті түсірген Ербол Теміров
Жиынға облыс әкімнің орынбасары Айзада Құрманова қатысты. Өз сөзінде Елбасы Нұрсұлтан Назарбаевтың ел Тәуелсіздігін нығайтудағы еңбегі туралы айтып өтті.
Ал, 1986 жылғы Желтоқсан оқиғасына қатысқан, Торайғыров университеті Е.Бекмаханов атындағы ғылыми-практикалық орталықтың директоры Амантай Құдабаев Тәуелсіздік және қазақ халқының оған барар жолдағы қиындықтары туралы тарих сабақ жастардың санасының дамуына үлкен әсер ететінін атап өтті.
Сонымен бірге, «Ақ бұлақ» қазақ жексенбілік ұлттық мектебінің педагогы, Самара облысының еңбек сіңірген мәдениет қызметкері Айгүл Жәлелова Самарада қазақ балаларына ана тілін, туған халқының салт-дәстүрлерін үйрету үшін жүргізіліп жатқан жұмыстар туралы айтып берді.
– 2003 жылдан бастап Самара облысында «Айгүл» халық би ансамблі және «Маржан» халық сән театры жұмыс істейді, – деді Айгүл Жәлелова. – «Маржан» сән театры қазақтың ұлттық киімдері негізінде сәндік коллекциялар әзірлейді. Осы коллекциялармен сән театры көп жылдар бойы қаланың үлкен алаңдарында өнер көрсетіп, қазақтың ұлттық киімдерін балалар мен жасөспірімдердің өнері мен шығармашылығының керемет туындысы ретінде көрсетіп, қазақ халқының мәдениетін насихаттайды.
«Ақ бұлақ» мектебінің педагогтары «Ата мұра» қазақ мәдениеті мерекесі, «Қазақ сұлуы», «Жігіт сұлтаны» байқаулары, «Алтын балапан» балалар сұлулық конкурсы және т.б. сияқты туған халқының салт-дәстүрлерін зерделеу бойынша көптеген жобалардың авторлары болып табылады.
Омбыдағы «Мөлдір» қазақ мәдениеті орталығының мүшесі Мұрат Шолақов домбырада ойнауды үйреніп, туған халқының дүниетанымының тереңдігін түсіне алғанын айтты. Сондай-ақ ол өз баяндамасында Ресей аумағында тұратын қазақ жастары үшін ана тілі мен ұлт мәдениетін зерделеу маңызды екенін атап өтті.
Павлодар облысы
