Тартысты өткен турнирдің финалдық ойынында әзірге әлемнің ең мықты снукершісі Джадд Трамп пен Джек Лисовски күш сынасты. Бұл жекпе-жекте Трамп дәл қазіргі уақытта өзіне тең келер қарсылас жоқтығын дәлелдеп, Лисовскиді 10:7 есебімен тізе бүктірді.
Осылайша, ол әлемдік рейтингтегі көрсеткішін 1 854 500 ұпайға жеткізіп, көшбасшылық орынын нығайта түсті, әрі жарыс жеңімпазы ретінде 100,000 фунт стерлингті (55 998 152,86 теңге) жамбасқа басты.
Ал Джек Лисовски болса, финалда өнер көрсеткені үшін £40,000 жүлделей сыйлыққа иелік етті. Сонымен қатар әлемдік рейтингте 284 750 ұпай жиып, 14-сатыға көтерілді.
