Қазақстан мен Түркия қорғаныс министрлері «Қазақстан АСЕЛСАН инжиниринг»
жаңа кәсіпорнын іске қосты
Кеше Астанада Қазақстан Республикасының Қорғаныс министрі Әділбек Жақсыбеков пен Түрік Республикасының Ұлттық қорғаныс министрі Исмет Йылмаз электронды-оптикалық құрылғылар өндіретін «Қазақстан АСЕЛСАН инжиниринг» қазақ-түрік бірлескен кәсіпорнын ашты. Бұл бірлескен кәсіпорын Қазақстан мен Түркия мемлекет басшыларының уағдаластығына сәйкес құрылып отыр.
Қазақстан мен Түркия қорғаныс министрлері «Қазақстан АСЕЛСАН инжиниринг»
жаңа кәсіпорнын іске қосты
Кеше Астанада Қазақстан Республикасының Қорғаныс министрі Әділбек Жақсыбеков пен Түрік Республикасының Ұлттық қорғаныс министрі Исмет Йылмаз электронды-оптикалық құрылғылар өндіретін «Қазақстан АСЕЛСАН инжиниринг» қазақ-түрік бірлескен кәсіпорнын ашты. Бұл бірлескен кәсіпорын Қазақстан мен Түркия мемлекет басшыларының уағдаластығына сәйкес құрылып отыр.
Қорғаныс ведомстволарының басшылары болашақ өндіріс корпустарының орналасу орнын қарап, аталған кәсіпорында шығарылатын өнімдердің үлгілерімен танысты.
Әділбек Жақсыбеков Астанада жоғары технологиялық қорғаныс өнеркәсібі кешенінің ашылуының маңызын айрықша атап өтті. Бірлескен жобадағы Қазақстанның алғашқы кездегі үлесі 20 пайызды құрайды, таяудағы 5 жылдың ішінде ол 67 пайызға дейін артатын болады.
«Қазақстан инжиниринг» ұлттық компаниясы» АҚ басқарма төрағасы Болат Смағұлов қорғаныс ведомстволарының басшыларын жаңа кәсіпорын өндіретін өнімдер тізімімен таныстырды. Бұл жерде өнімдерге техникалық қызмет, сондай-ақ, персоналды оқыту жүзеге асатын болады.
Зауыт суасты кемелерінен бастап ғарыш кемелеріне дейінгі аралықта әртүрлі техникада қолданатын электронды платтардың кең спектрін шығару мүмкіндігіне ие.
Зауытты дамытудың келесі кезеңі дербес инфрақызыл линзалар шығару өндірісін ұйымдастыруды, жаңа технологияларды қолдану арқылы өнім өндіруді қамтиды.
Бұл ТМД-да осындай сападағы өнім өндіретін бірінші кәсіпорын екенін атап өткен орынды.
Сұңғат ӘЛІПБАЙ,
«Егемен Қазақстан».
