Аймақтар • 07 Қаңтар, 2021

СҚО-да оқу-жаттығу кезінде тікұшақтың қозғалтқышы істен шықты

141 рет көрсетілді

2021 жылы 6 қаңтарда Петропавл қаласы әуежайы ауданында оқу-жаттығу ұшуын орындау кезінде авиациялық оқиға болды. «Аэропракт» ЖШС тиесілі тіркеу нөмірі UP-ЕС114 BO-105 тікұшағының оң жақ қозғалтқышы істен шықты, деп хабарлайды Egemen.kz ҚР Индустрия және инфрақұрылымдық даму министрлігіне сілтеме жасап. 

 

«Аэропракт» ЖШС басшылығынан алынған алдын-ала мәліметтер бойынша төмендегідей жағдай анықталды:
ВО-105 UP-ЕС114 әуе кемесінің экипажы бекітілген ұшу жоспарына сәйкес ұшу тапсырмасын орындады. Петропавл қаласының әуежайынан 20 километрде 300 фут берілген биіктікке көтерілгеннен кейін тікұшақтың оң қозғалтқышының өздігінен істен шығуы орын алды. Әуе кемесінің командирі Петропавл қаласының әуежайында әуеден таңдалған алаңға мәжбүрлі түрде қонуға шешім қабылдады. Мәжбүрлі қонуды орындау алдында экипаж «Қазаэронавигация» РМК ӘҚҚ диспетчеріне қозғалтқыштың істен шығуы туралы баяндады.
 
Тікұшақтың қонуы 13:38-де сәтті орындалды. Зардап шеккендер жоқ.
 
Авиациялық оқиға кезінде әуе кемесінің бортында ұшқыш-нұсқаушы және әуе кемесінің командирі болған.
 
ҚР ИИДМ авиациялық оқиғалар мен инциденттерді тексеру басқармасының қызметкерлері осы авиациялық оқиғаға тексеру жүргізуге кірісті.
Соңғы жаңалықтар

Сочиде сайысқа түседі

Спорт • Бүгін, 13:28

Маңызды қадам болды

Парламент • Кеше

Ұқсас жаңалықтар