Қазір ақпарат құралдарының көздері көбейіп отырған заманда әркімнің қалауы әртүрлі ғой. Уақыт үнемдеуге үйренгендер компьютерді ашып жіберіп, әлемдік ғаламтор арқылы оқиға жаңалықтарға қанығып жатады. Өкінішке қарай, мұндай ғадет студент жастар, мектеп оқушылары арасында да етек алуын байқап жүрміз. Түбінде олар бұған әбден машығып, газет-журналдар бетін ашуды, оқуды қоя ма деген қауіп бар екеніне еріксіз алаңдайсыз. Өз көкейіме сіңгендей, шәкірттерім көкірегіне құйып жүргенімдей баспасөзді көз суартып оқудың жөні мүлдем бөлек емес пе?!
Қазір ақпарат құралдарының көздері көбейіп отырған заманда әркімнің қалауы әртүрлі ғой. Уақыт үнемдеуге үйренгендер компьютерді ашып жіберіп, әлемдік ғаламтор арқылы оқиға жаңалықтарға қанығып жатады. Өкінішке қарай, мұндай ғадет студент жастар, мектеп оқушылары арасында да етек алуын байқап жүрміз. Түбінде олар бұған әбден машығып, газет-журналдар бетін ашуды, оқуды қоя ма деген қауіп бар екеніне еріксіз алаңдайсыз. Өз көкейіме сіңгендей, шәкірттерім көкірегіне құйып жүргенімдей баспасөзді көз суартып оқудың жөні мүлдем бөлек емес пе?!
Мәселен, «Егемен Қазақстан» газетіндей белді басылымдар арқылы әлемдегі, еліміздегі жедел хабарлармен қатар ой-өріс байытатын, сана-сезім жаңғыртатын, білім тереңдететін танымдылық та, өзектілік жағынан да татымды, мағыналы мақалаларды салмақтап, зерделеп оқығанға не жетсін. Әсіресе, ғылым-білімнің өзекті мәселелері бас басылымда тұрақты әрі тиянақты жазылады.
Бір тәуірі, мектебіміз мұғалімдері мен оқушыларының «Егемен Қазақстан» бастаған ұлттық басылымдарға ынта-ықыласы ерекше. Газет қай-қайсысының да қолдарында жүреді. Біразы үйлеріне жаздырып алады, кітапханадан табуға да мүмкіндіктері бар. Барлық орында, ортада осылай болса тамаша ғой. «Егемен Қазақстан» әр шаңырақтың рухани азығы болуға тиіс.
Тұрсын Бейсембекова, Мағжан Жұмабаев атындағы №39 гимназияның оқытушысы, ҚР білім беру ісінің құрметті қызметкері.
Қарағанды.
