Коронавирус • 11 Қаңтар, 2021

COVID-19-дың қауіпті жаңа штаммы

764 рет көрсетілді

Жапон жұртында әлемнің 40 тан астам еліне тарады деген коронавирустың жаңа штаммынан басқа мутацияға ұшыраған КВИ-дің  тағы бір түрі шықты.

Ұлыбританияда мен Оңтүстік Африкада анықталып, таралуы жөнінен бұрынғыға қарағанда 40-70 пайызға дейін жылдамырақ жұғатын вирус әлемді шарлап барады. Кеше Ресейде жаңа штамм бір адамнан табылса, АҚШ-тың 8 штатында: Нью-Йорк, Калифорния, Флорида, Колорадо, Техас, Джорджия, Коннектикут, және Пенсильванияда 63 науқас тіркеліп отыр. Әсіресе ол Калифорния мен Флорида тұрғындары арасында көбірек таралуда. Осыған қарап  АҚШ жұрты Ұлыбритания жаңа штаммына ұқсас өзімізде де жаңа түр пайда болмады ма екен деген де қауіп айтқанымен Ауруларды бақылау және алдын алу орталығы (CDC) бұл жорамалды жоққа шығарды.

Өткен аптада америкалық белгілі инфекционист Энтони Фаучи «Ұлыбританиялық штаммның АҚШ -тағы таралуы анықталуынан да жылдам жүруде» деген болатын. 

Жаңа штаммның қарқыны жайында әңгіме қаулап тұрғанда шығыстан тағы бір қауіп айтылып жатыр. Токиоға Бразилиядан 2  қаңтарда келген 4 туристен анықталған ауру штаммы ұлыбританиялық мутациядан өзгеше болып шыққан. Ол жайында  Жапония Ұлттық инфекциялық аурулар институтының бас директоры  Такаи Уакита жария етті. «Алайда вирустың жаңа штаммы бұрынғысына қарағанда жұқпалырақ дейтін негіз жоқ. Қазір төрт пациент те карантинде. Ал демалысы қиындаған 40 жасар ер адам ауруханаға жеткізілді» деген Такаи мырза.

Оның мәлімдеуіне қарағанда  екі пациенттің басы мен тамағы ауырады және дене қызулары көтерілген, ал  төртінші вирус жұқтырған жасөспірімде ешқандай ауру белгісі байқалмаған.

Соңғы жаңалықтар

СҚО «қызыл аймаққа» енді

Аймақтар • Бүгін, 21:33

Инфляцияның беті қайтпай тұр

Экономика • Бүгін, 20:00

Ұқсас жаңалықтар