Әлем • 11 Қаңтар, 2021

Путин, Алиев және Пашинян Қарабақ бойынша Мәскеуде келіссөз жүргізуде

24 рет көрсетілді

Кремльде Ресей мен Әзірбайжан президенттері Владимир Путин мен Ильхам Алиев және Армения премьер-министрі Никол Пашинянның қатысуымен үшжақты кездесу басталды, деп хабарлайды Egemen.kz тілшісі ТАСС агенттігіне сілтеме жасап.

Бетпе-бет кездесу жайлы бастаманы Ресей мемлекетінің басшысы көтерген болатын.

Кремльдің баспасөз қызметі хабарлағандай, тараптар үш ел басшыларының Таулы Қарабақ туралы 2020 жылғы 9 қарашадағы мәлімдемесінің орындалу барысын қарастырып, аймақтағы мәселелерді шешу жолдарын талқылауды жоспарлап отыр.

Саясаткерлер әскери қимылдардан зардап шеккен аудандардың тұрғындарына көмек көрсету мәселелеріне, сондай-ақ сауда-экономикалық және көлік байланыстарын ашу мен дамыту мәселелеріне ерекше назар аударады деп күтілуде.

Еске сала кетейік, Путин, Алиев және Пашинян Таулы Қарабақтағы әскери қимылдарды толық тоқтату туралы 2020 жылдың 9 қарашасында бірлескен мәлімдемеге қол қойған болатын.

Соңғы жаңалықтар

Ұқсас жаңалықтар