Өңір тағы да «қызыл аймаққа» енді

Өңір аумағында карантин шараларын күшейту туралы жаңа қаулыны облыстың бас санитар дәрігері Батырбек Әлиев қа­был­дады. Қаулыда барлық сауда орнына, қоғамдық көлікке, таксиге, өнеркәсіптік кәсіпорындарға, кі­ре­берістерге, лифт кабиналары­на, ұйымдарға және басқа да қоғамдық орын­дарға санитарлық және де­зинфекциялық өңдеу жүргізілу керегі жазылған. Қау­лы 25 қаңтарда сағат 00:00-де күшіне енді. Карантин уақыты 8 ақпанға дейін жалғасады. Демалыс күндеріне локдаун жарияланды. Бірқатар қоғамдық нысанның жұмысына тыйым салынды. Ұйымдар мен мекемелер қызметкерлерінің 80 пайызы қашықтан жұмыс істеуге ауысуда.

Департаменттің санитарлық бақылау бөлімінің басшысы Гүлмира Құлмағанбетованың айтуынша, індет жұқтырғандардың дені Павлодар қаласында тір­келген. Індеттің таралуына тұр­ғындардың карантиндік шараларды сақтамауы себеп. Сондықтан сенбі, жек­сенбі күндері қоғамдық көліктер жүрмейді. Тамақтану орындарының жұмыс уақыты қысқартылып, сауда орындары уақытша жабылады. Сенбі, жексенбі күндері жабылатын кей қоғамдық нысандар, сауда орындарында да санитарлық шаралар өткізіледі.

Өңірде инфекциялық гос­пи­тальда 5 мыңға жуық тө­сек­­­тік орын дайындалған. Амбула­то­р­-

лық деңгейде 169 дәргер­­лік бригада жұмыс істейді. Ма­ман­­дардың айтуынша, ауру жұқтыру бойын­ша жүргізілген зерттеулер нә­ти­жесінде сырттан жеткізілген деректер де баршылық. Мәселен, соңғы тәулікте 15 мыңнан астам ПТР-зерттеу жүргізілсе, шетелден келген 110 жағдай анықталған. Басым бөлігі симптомсыз, қазіргі уақытта науқастар амбулаторлық деңгейде ем қабылдап жатыр.

Ал облыстық әкімдікте өткен отырыс барысында өңірдегі эпи­­демиялық ахуалды жақ­сар­ту үшін облыс әкімі Әбіл­қайыр Сқақов санитарлық-эпи­­­де­мия­лық режімнің қатаң сақ­талуын бақылау мен облыс тұр­ғын­дары арасында түсіндіру жұмыс­тарын әрі қарай да жал­ғастыру қажеттігін атап өтті.

– Қазір қыс кезінде адам­дардың бір-бірін қонаққа ша­қыруы жиілейді. Той өткізу әлі тоқтаған жоқ. Осыдан кейін аурудың тағы бір толқынына ұшы­рауымыз мүмкін. Егер бел­­гілі бір ауданды немесе ауыл­ды жабу қажет болса, жа­быңыздар. Бастысы, тұрғындарға қабыл­данып жатқан шектеу шараларын және олардың қажет­тілігін түсіндіріңіздер, – деді облыс әкімі.

Сондай-ақ мониторингтік топтарға рейд жүргізуді тоқтат­пауды, санитарлық дәрігерлердің нұсқауын елемейтін, адамдардың көп жиналатын орындарын анықтап, тексеруді тапсырды. Мониторингтік топтар анық­талған тәртіп бұзушылықтар туралы облыстық денсаулық сақтау басқармасының «Үйлес­тіру ор­талығына» эпидемиялық хабарлама жіберуі қажет. Қашық­тан жұмыс істеу де бақылауға алынуда. Соңғы уақытта кәсіп­орындарда да індет жұқтыру жағдайлары жиілей түсті.

Қалааралық, ауданаралық және облысаралық жолаушылар тасымалы тоқтатылды. Демалыс күндері қоғамдық тамақтану нысандарының жұмысы жеткізу жүйесіне ауысады.

Павлодар облысы