Аймақтар • 27 Қаңтар, 2021

Ақтөбе облысында дизель отынын ірі көлемде заңсыз сатқан кәсіпкерлер сотталды

164 рет

көрсетілді

1 мин

оқу үшін

ҚР ҚМ ҚМК Ақтөбе облысы бойынша Экономикалық тергеу департаменті жүргізген жедел-іздестіру іс-шараларының нәтижесінде, Ақтөбе қаласының екі тұрғынының алдын-ала сөз байласу арқылы белгісіз тұлғалардан дизель отынын төмендетілген бағамен құжаттарсыз сатып алып, жалпы көлемі 4 366,892 тонна дизельді 868 391 921 теңге сомасында әр түрлі ЖШС-ге сатқанын анықтады, деп хабарлайды Egemen.kz.

Жанболат Кенжеғұл

Ақтөбе облысында дизель отынын ірі көлемде заңсыз сатқан кәсіпкерлер сотталды

Дизель отынының шығуын заңдастыру үшін күдіктілер ЖШС-нің қоймасынан дизель отынын жеткізуге екі ЖШС-мен жалған келісімшарттар жасап, жанармай төлемдерін қолдан жасаған.

Ақтөбе қаласының № 2 сотының үкімімен, аса ірі көлемде, шығу тегі заңдылығын растайтын құжаттарсыз, мұнай және мұнай өнімдерін тасымалдау, алу, сақтау және сату фактісі бойынша, Ақтөбе қаласының тұрғындары ҚР ҚК 197-бабы 4-б. сәйкес кінәлі деп танылып, оларға 4 жыл мерзімге бас бостандығынан айыру түріндегі жаза тағайындалды.