Режиссер Әділ Нұртай түсірген 45 минуттық телетуынды Қасым ақынның күрделі өмірінен сыр шертеді. Фильмде ақынның жас кезіндегі рөлін жергілікті «Saryarqa» телеарнасының тілшісі Ерік Нарын сомдады.
Қарағандылық тележурналист Қасым туған Қарқаралы ауданында дүниеге келген. «Жастайымнан поэзияға құмар болып өстім. Өзім де өлең жазамын. Сондықтан ақынның рөлін ойнау маған соншалықты қиындық туғызбады. Қайта мен оны үлкен ынтамен ойнап шықтым», дейді Ерік Нарын.
Қасым туралы деректі-публицистикалық фильмнің толық нұсқасын «Абай-ТВ» YouTube-арнасындағы «Дәуір даналары» хабарлар циклінен көруге болады.
Қарағанды облысы
