Ал Түркістан қаласында 12 көпқабатты үйдің құрылысы аяқталып, 660 отбасы пәтер алды. Олардың ішінде баспана кезегінде тұрған азаматтар мен несиеге алған тұрғындар бар. Сонымен қатар, Түркістан қаласы әкімшілік іскерлік орталығында жаңадан 7, 9 және 12 қабатты 65 тұрғын үйлердің құрылысы жүргізілуде. Тұрғын үйлердің құрылысы биыл толық аяқталады. Облыстық құрылыс басқармасының мәліметінше, өткен жылдың қорытындысы бойынша, баспанаға мұқтаж кезекте тұрған 800-ге жуық отбасы тұрғын үймен қамтамасыз етілді. Атап айтқанда, Кентау қаласында – 600 пәтер, Түлкібас ауданында – 24, Шардарада – 80, Сарыағаш ауданында 90 пәтер пайдалануға берілді. Бұдан басқа, аудан, қалаларда көпбалалы отбасыларды баспанамен қамтамасыз ету үшін екінші деңгейдегі нарықтан мемлекеттік бюджет есебінен 400-ге жуық пәтер сатып алынды. Жыл қорытындысы бойынша барлық баспаналар өз иелерін тапты.
Сонымен қатар жеке тұрғын үй құрылысына бөлінген 2617 жер телімдеріне су, электр және газ құбырлары толық тартылып, облыс көлемінде жер кезегінде тұрған азаматтарға бөлінді.
