Бұл алқалы басқосуды Қазақстан Республикасының Тәуелсіздік күні ұйымдастырып өткізуге мұрындық болған «Бейбітшілік әлемі» халықаралық қазақ шығармашылық бірлестігі (төрағасы – Ә.Нұрманов) еді. Аталған бірлестік Біріккен Ұлттар Ұйымының аясында жиырма одақтық саланы біріктіріп, әлемдік деңгейде белсенді жұмыс істеуімен ерекшеленеді. Мысалы, оның құрамындағы заңгерлер, жазушылар, сәулеткерлер, т.б. салалық одақтар өз тараптарынан біраз тағылымды істерге мұрындық болып жүр. Жыл сайын түрлі көкейкесті тақырыптарға халықаралық ғылыми-практикалық конференциялар өткізілуі соның жарқын айғағы болса керек. Сөйтіп, еліміздің әлеуметтік-экономикалық, мәдени, рухани дамуына өзіндік ізденіс, талпыныстарымен зор үлес қосып жүргені қанағат сезімін туғызады.
Бұл алқалы басқосуды Қазақстан Республикасының Тәуелсіздік күні ұйымдастырып өткізуге мұрындық болған «Бейбітшілік әлемі» халықаралық қазақ шығармашылық бірлестігі (төрағасы – Ә.Нұрманов) еді. Аталған бірлестік Біріккен Ұлттар Ұйымының аясында жиырма одақтық саланы біріктіріп, әлемдік деңгейде белсенді жұмыс істеуімен ерекшеленеді. Мысалы, оның құрамындағы заңгерлер, жазушылар, сәулеткерлер, т.б. салалық одақтар өз тараптарынан біраз тағылымды істерге мұрындық болып жүр. Жыл сайын түрлі көкейкесті тақырыптарға халықаралық ғылыми-практикалық конференциялар өткізілуі соның жарқын айғағы болса керек. Сөйтіп, еліміздің әлеуметтік-экономикалық, мәдени, рухани дамуына өзіндік ізденіс, талпыныстарымен зор үлес қосып жүргені қанағат сезімін туғызады.
Ал аталмыш конференцияда еліміздің тарихы терең талданып, демографиялық жағдайдың өзекті мәселелері келелі сөз етілуімен қатар, педагогикалық реформалардың тиімділігіне қатысты алуан ой-пікірлер ортаға салынды.
Құрылғанына алдағы жылдың басында бес жыл толатын бұл бірлестіктің жұмысына белсене араласып жүрген мүшелерге конференция барысында Біріккен Ұлттар Ұйымының халықаралық «Құрмет белгісі» ордені тапсырылды. Ондай құрметке елімізге есімі мәшһүр заңгер, академик Сұлтан Сартаев, сәулеткер, ақын Сайын Назарбеков, қаламгер Қайсар Әлім, т.б. ие болды.
«Егемен-ақпарат».
–––––––––––––––––––
Суретте: халықаралық «Құрмет белгісі» орденінің иегерлері С.Сартаев пен Қ.Әлім.
