Жамбыл облыстық денсаулық сақтау басқармасының мәліметінше, коронавирус індетін жұқтыру көрсеткіші Тараз қаласында өршіп тұр. Бүгінгі таңда облыс орталығында 2 772 дерек тіркелген. Ал Байзақ ауданында – 385, Жамбылда – 301, Жуалыда –199, Қордайда – 652, Т.Рысқұловта – 199, Меркіде – 188, Мойынқұмда – 109, Сарысуда – 196, Таласта –138 және Шу ауданында 395 жағдай анықталған. Сонымен қатар әскерге шақырылушылар арасынан 125 жағдай, өңірге келуші басқа облыс тұрғындары арасынан 50 жағдай тіркеліп отыр.
Қауіпті індеттің алдын алу және өңір тұрғындарының өмірін сақтап қалу мақсатында Жамбыл облысы бойынша инфекциялық стационарда 1 200 төсектік орын дайындалған. Сондай-ақ карантиндік стационарда 15 тұлға бар. Олар Байзақ аудандық орталық ауруханасына, Қордай ауданы Қордай ауылындағы «Керемет» қонақүйіне және Т.Рысқұлов аудандық орталық ауруханасына орналастырылған. Ал 2 405 тұрғын үй жағдайындағы карантинге жатқызылса, осы уақытқа дейін карантиннен 16 мың 439 азамат шығарылған.
Сонымен қатар өңірдегі қоғамдық орындарда талап мейлінше күшейтілген. Қауіпті індетпен күресте аудандарда да тиісті шаралар қолға алынуда.
Жамбыл облысы
