Оңтүстік Қазақстан • 16 Ақпан, 2021

Түркістан облысында 3 мыңға жуық дәрігер біліктілігін арттырды

14 рет көрсетілді

Түркістан облысында 2616 медициналық қызметкер кәсіби деңгейін көтеріп, COVID-19 инфекциясын емдеу бойынша 1300-дей маман дәріс алған, деп хабарлайды Egemen.kz

Сонымен қатар медициналық қызметкерлер Денсаулық сақтау министрлігінің ұйымдастыруымен Қытай, Ресей мамандарынан онлайн форматта тәжірибе алмасқан.

Түркістан облыстық қоғамдық денсаулық басқармасының басшысы Марат Пашимовтың айтуынша, Ресейдің Санкт-Петербург, Новосибирск қалаларындағы жоғарғы оқу орындарымен үздіксіз білім беру жөнінде әріптестік байланыс орнатылған. Дәрігерлерге соңғы технологияларды меңгертіп, науқастарды емдейтін мамандарды дайындау мақсатында облыстық балалар ауруханасында арнайы тренинг орталықтарында 728 медициналық қызметкер оқытылды. Пандемия тұсындағы негізгі ауыртпалық медицина қызметкерлеріне түскені белгілі. Індет жұқтырғандарды емдеп, өз өмірін қатерге тіккен​ ақ халатты абзал жандардың еңбегі ерен. ​ Осынау сын​ сағатта халқы тығыз қоныстанған Түркістан өңіріндегі медицина саласының жұмысын ұйымдастырып, жағдайдың тұрақтылығын қамтамасыз ете білген қоғамдық денсаулық басқармасының басшысы Марат Пашимов Елбасы Нұрсұлтан Назарбаевтың Алғыс хатымен марапатталды.

Айта кетелік, жалпы облыста 5300 дәрігер және 18600-ға жуық мейірбике бар. Ақпан айының басынан бері  1200-ге жуық медицина қызметкері COVID-19-ға қарсы екпе салдырды. 

Соңғы жаңалықтар

Алдағы апта күн жылынады

Ауа райы • Бүгін, 12:57

Сүйіспеншілік сабағы

Аймақтар • Бүгін, 12:15

Елордада күн жылына бастайды

Аймақтар • Бүгін, 10:57

Түрмеге кітап сыйлады

Аймақтар • Бүгін, 10:10

Жақсының аты өлмейді...

Руханият • Бүгін, 08:31

Теңдік түбі – бірлік

Елбасы • Бүгін, 08:03

Ұқсас жаңалықтар