Баянауыл мемлекеттік ұлттық табиғи саябағының Экскурсия жөніндегі нұсқаушы мемлекеттік инспекторы Алтынбек Құрманов саябақта сілеусін де, бұлан, арқар, қабан да бар екенін атап өтті. Олардың бәрі ерекше қорғалған.
– Бізде мониторинг жүргізетін ғылыми бөлім бар. Күн сайын қызметкерлер көрген аңдарына есеп жүргізіп, ғылыми бөлімге тапсырып отырады. Бізде мекендейтін аңдардың қанша бар екенін, олардың азығы бар-жоғын анықтап отырамыз, – дейді Алтынбек Құрманов.
Инпектордың айтуынша, қыс айларында саябақта аңдар саны көбейеді.
– Сілеусіндер тауда қоян аулап жейді. Өз бетімен өмір сүре алады. Азығы бар болған соң жүр. Жалпы, Баянауылда қыс айларында демалушылар болмайды. Сондықтан аңдардың көбі келе бастайды. Жазда даңғыр-дүңгір музыка болады. Аңдар тыныш жаққа кетіп қалады, – дейді Алтынбек Құрманов.
