Оқиға • 27 Ақпан, 2021

Түркістандағы оқиға: Арнайы комиссия құрылды

192 рет көрсетілді

Түркістан қаласында иістен уланған отбасыға қатысты арнайы комиссия құрылды. Облыс әкімі Өмірзақ Шөкеевтің тапсырмасымен аталған отбасыға материалдық көмек көрсетілетін болды, деп хабарлайды Egemen.kz

Бүгін аймақ басшысы Өмірзақ Шөкеев пен Полиция Департаменті және ТЖД бастығы, Түркістан қаласының әкімі оқиға орнына барды. Облыс әкімі оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

«Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын», деді Өмірзақ Шөкеев.

Төтенше жағдай департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбаевтың басшылығымен арнайы комиссия құрылды.

Белгілі болғандай көз жұмғандар 1980 жылғы анасы мен 2004, 2006, 2013, 2016 жылы туған балалары екен. Барлығы иіс тиіп қайтыс болған деген болжам жасалды.Ал, отағасы оқиға болған кезде емделу мақсатында Шымкент қаласында болғаны анықталды.

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар