Қазақстан мен Түркия арасындағы дипломатиялық қатынастарға

Саясат • 02 Наурыз, 2021

Қазақстан мен Түркия арасындағы дипломатиялық қатынастарға - 29 жыл

70 рет көрсетілді

Түркияның Қазақстандағы елшілігі Түркия мен Қазақстан арасындағы дипломатиялық қатынастардың 29 жылдығына орай құттықтау жолдады, деп хабарлайды Egemen.kz.

Marzhan Tileubekova

«Бүгін Қазақстан мен Түркия арасында дипломатиялық қатынастарының 29 жылдығын атап өтудеміз.

Тамыры ортақ тарихымыз бен мәдени және рухани байланыстарымызға негізделген түрік-қазақ бауырластығының 30 жылға жуық уақыт бойы нығайып келе жатқанына, елдеріміз арасындағы ынтымақтастықтың барлық салада дамығанына ризашылықпен куә болудамыз.

Дипломатиялық қатынастар орнағаннан кейін елдеріміз арасында қол қойылған көптеген келісімдер мен хаттамалар қарым-қатынасымыз бен ынтымақтастығымыздың құқықтық негізін қалады. Дос және бауырлас ел - Қазақстанмен қарым-қатынасымыз өзара сенім мен ынтымақтастық түсінігі негізінде тез дамып, бүгінгі күні көп өлшемді стратегиялық әріптестік деңгейіне көтерілді.

Қарым-қатынасымыз саяси салада дамып қана қоймай, әлеуметтік-гуманитарлық, экономикалық, мәдени сынды кең ауқымды салалардағы жетістіктер елдерімізді бір-біріне одан әрі жақындастыра түсуде. Түркиядан Қазақстанға құйылған инвестицияның жалпы көлемі 3,2 млрд АҚШ долларын құрады. 2020 жылы пандемия жағдайына қарамастан екіжақты сауда айналымы 3 млрд АҚШ долларынан асып түсті. Бұл көрсеткішті алдағы уақытта 5 млрд доллар, кейін 10 млрд долларға жеткізу, сондай-ақ бірлескен инвестицияларымызды сапалық және сандық жағынан ұлғайту біздің ортақ мақсатымыз болып отыр.

Елдеріміздің арасындағы білім және мәдени қатынастар да халықтарымыздың бір-бірін жақсырақ тануға мүмкіндік береді. Бүгінгі таңда 5000-ға жуық қазақ студенттері біздің елімізде «Түркия стипендиялары» бағдарламасы аясында бакалавриат, магистратура және докторантура бойынша білім алды.

Екіжақты деңгейде де көпжақты платформаларда да елдеріміз арасындағы стратегиялық әріптестікке негізделген тығыз ынтымақтастығымыз өңірлік тұрақтылық, бейбітшілік және өркендеуге маңызды үлестер қосуда.

Осы мүмкіндікті пайдалана отырып, түрік және қазақ халықтары арасындағы мызғымас достығының әрдайым жалғасуын тілеп, Қазақстан халқына гүлдену, тыныштық пен амандық тілектерімізді ұсынамыз», делінген хабарламада.

Күннің маңызды және өзекті жаңалықтарын «Егемен Қазақстан» телеграм каналынан оқыңыз