Аймақтар • 04 Наурыз, 2021

Елбасы бастамасы өңірлерде оң нәтиже беруде

99 рет көрсетілді

Нұрсұлтан Назарбаев қорының директоры Дариға Назарбаева жұмыс сапарымен Тараз қаласына және Шымкент қалаларына барды. Бұл сапар кезінде Дариға Нұрсұлтанқызы Елбасының «Қамқорлық» бастамасының іске асырылу барысымен танысты.

Елбасы Нұрсұлтан Назарбаев­тың «Қамқорлық» бастамасын іске асыру мақсатында Жамбыл өңі­рінде тиісті жұмыстар жүр­гізілуде. Нәтижесінде, ерекше қа­­жет­тілігі бар балаларға көңіл бөлі­ніп, қолдау көрсетілуде.

Тараз қаласында Дариға Нұр­сұл­­танқызы облыс әкімі Берді­бек Сапарбаевпен бірге об­лыс­тық көпсалалы балалар ауру­ха­на­­сын­дағы «Қамқорлық» оңал­ту ор­­та­лығының және Тараз қала­сын­­дағы №9 бен А.Гайдар атын­­дағы №35 орта мектеп­т­тегі инклюзияны қолдау каби­нет­терінің жұмысымен танысты. Аталған кабинеттердің ашылуы нәтижесінде бүгінде ерекше білім алуға қажеттілігі бар 22 бала өз қатарларымен бірге мектепте оқуға мүмкіндік алған. Бұрын бұл балалар үйде оқығандықтан, олар логопед, дефектолог пен психолог сияқты мамандардың жәрдемін тұрақты түрде ала алмаған.

Д.Назарбаева орталықтағы кабинеттерді аралап, ата-аналармен және балалармен әңгі­мелесті. Мұнда бүгінде нейро-ортопедиялық аурулары бар 80 бала оңалтудан өтуде. Ал мекеме ашылған сәттен бастап өңірден ерекше қажеттіліктері бар 200-ге жуық бала көмек алған. Аталған орталықтың көлемі 1500 шаршы метрді құрайды. Оның ішінде 2 бассейн бар. Басқа да мүмкіндіктер қарастырылған.

Тараз қаласындағы «Қамқор­лық» оңалту орталығының директоры Раиса Қожамжарова Дариға Нұрсұлтанқызына кешенді оңал­ту тұжырымдамасы мен көрсетіле­тін оңалту іс-шараларының түр­лері туралы мәлімет берді. Мұнда дәрігерлердің консультациялары, механотерапия, емдік дене шы­нықтыру, сенсорлық және инте­рак­тивті бөлмелерде логопед, дефектолог, психолог, эрготерапевт мамандарының сабақтары, сондай-ақ минералды сумен емдеу, физиоемдеу және басқа да ем түрлері бар. Қаладағы «Қамқорлық» орталықтарында тиісті оқытудан өткен білікті мамандар жұмыс істейді.

Былтыр облыстық балалар ауруханасы жанындағы орталық­тың 24 маманы біліктілікті арттыру және қайта даярлау курстарынан өткен болса, биыл көш­пелі семинарға 32 қызметкер қа­тысқан. Жыл соңына дейін реабилитология саласындағы өзек­ті мәселелер бойынша шетелдік менторлардың қызметкерлерін оқыту жоспарлануда. Осы ретте «Қамқор­лық» қоры директоры­ның мін­детін атқарушы Арай­лым Еркінова балаларды қолжетім­ді жерде сапалы оңалтудан өткізу мақсатында аталған қор оңал­ту орталығына жетекшілік етуді жал­ғастыруға ниетті екенін жет­кізді. Орталық жыл сайын 600-ден астам нейро-ортопедиялық, оның ішінде церебралды сал ауруы бар балаларды тегін қабылдай­тын болады. Мұндай орталық­тар еліміздің Алматы, Атырау, Батыс Қазақстан, Шығыс Қазақстан, Түркістан, Қостанай облыстарында және Нұр-Сұлтан қаласында ашылған. Жалпы, Елбасының бұл бастамасы жылына 5 мың баланы оңалтуға мүмкіндік береді. Жаңа орталықтардың жұмысы нәтижесінде церебралды сал ауруы бар балаларды оңалту көрсеткіші 20 пайызға өскен.

Кезекті сапарында Дариға Нұр­сұлтанқызы Шымкенттегі жасө­с­пірімдерге арналған «Қам­қорлық» оңалту орталығының жұмы­сымен танысты. Сондай-ақ атал­ған орталықтағы педа­гог­­тердің түзету курстарына, ем­дік дене шынықтыру және меха­но­терапияның жеке сабақ­тары­на қатысты. Бұл орталық өткен жыл­­дың желтоқсан айында Елба­сы­ның «Қамқорлық» бастама­сы аясында ашылып, Шымкент қа­­ла­­сындағы облыстық балалар ауру­­ханасының ғимаратына орна­­лас­қан еді. Кішкентайларға ем-дом жасайтын нысанның жалпы ауда­ны – 250 шаршы метр. Мұн­да д­амуында ауытқуы бар ерте жас­­тағы балалар 21 күннен астам курс­­тан өтіп, амбулаториялық және стационарлық емді тегін ала ала­ды. Әр бала сараптамалық сы­нып­тағы электроэнцефалографта және кешенді аудиометрде диаг­­нос­­тикалық тексеруден өтіп тұрады.

Елбасының аталық қамқор­­лығына алғыс айтқан орта­лық директоры Ләззат Кучкарова мұн­дай заманауи жабдықтар осы уақытқа дейін Түркістан облысында тек жекеменшік орталықтарда ғана болғанын айтты.

«Мамандар тобының аз бол­ғанына қарамастан, әр балаға 70-ке дейін оңалту қызметін ұсынып келеміз. Үш оңалту курсынан кейін балалардың денсаулығы қалпына келе бастайды. Кешенді емдеу-сауықтырудың нәтижесі бұл әдістің тиімділігін тағы да дәлелдеп берді. Қазіргі таңда әр балада оң динамика байқалады. Бес сәбиіміз оңалту сабақтарынан кейін алғашқы қадамдарын жасады», деді Л.Кучкарова.

Жұмысы жүйелі, бағыты айқын ор­талықтың алдағы жос­пары – жыл со­ңына дейін 400 баланы емдеу. Қуантарлығы, Нұрсұлтан На­зар­баев қоры бұл жобаның тиім­­ділігі мен қажет­тілігін ескере оты­­рып, Елба­сының «Қамқорлық» бас­­та­масының екін­ші кезеңі ая­сын­­да осындай орталықтардың ашы­­л­уын жа­л­ғастыруды көздеп отыр.

Түркістан облысындағы жұ­мыс сапары барысында Да­ри­ға Назарбаева аталған бас­тама ая­сында ашылған инклюзия­ны қол­дау кабинеттерін де ара­лап көр­ді. Кабинеттер №1 А.Бай­тұр­­­сынов атындағы жалпы орта мек­тепте және облыс орталы­ғын­­дағы №21 жалпы орта мек­тебін­де орналасқан. Олар арна­йы жи­һаз­дармен және тех­ни­ка­­лық жаб­дықтармен, ин­те­р­ак­тив­ті тақтамен, Мон­тессори материалдарымен, дидак­тикалық құралдармен жабдықталған.

Инклюзияны қолдау кабинет­терін­де Дариға Нұрсұлтан­қызы балалармен танысып, олардың жеке ассистенттерімен (тьюторларымен) әңгімелесті. Тьютор сүйемелдеуімен аутистік спектрі бұзылған әрбір оқушы әдеттегі сыныптағы сабақ кезінде де, инклюзияны қолдау кабинетінде де білім ала алады. Ал ондағы ассис­тент­тің негізгі міндеті – балаға мүмкіндігінше өз бетінше өмір сүруге көмектесу.

Қор директоры мектеп сабақ­тарына қатысып, ерекше оқу­шы­лардың сыныптың жалпы жұмысына қалай бейімделетінін тексеріп көрді.

Сапар соңында Дариға Назар­баева Елбасының қамор­лығымен жүзеге асқан жоба аясында әлі талай игі жұмыс жүзеге асатынын тілге тиек етті.

Хамит ЕСАМАН,
Нұршат ТӨКЕН,
«Egemen Qazaqstan»

Соңғы жаңалықтар

Шыңғыстаудың Шәкірі

Әдебиет • Кеше

Жаны ізгі журналист

Егемен Қазақстан • Кеше

Ұқсас жаңалықтар