Спорт • 04 Наурыз, 2021

Алғашқы ойындағы сәтсіздік

13 рет көрсетілді

Құрлықтық хоккей лигасының (ҚХЛ) плей-офф кезеңіне шыққан елор­даның «Барысы» Гагарин кубогы жолын­дағы жарыстың 1/8 финалында Маг­ни­тогорскінің «Металлург» командасы­мен кездесіп, сырт айдында өткен ал­ғаш­қы ойында ірі есеппен жеңіліп қалды.

Жалпы екі команда арасындағы матч ҚХЛ-дің осы маусымдағы ең нәтижелі әрі ең тартысты ойынының бірі болды деп айтуға толық негіз бар. Өйткені таразы басы теңселіп тұрған кездесуде хок­кейшілер 11 шайба соқты. Бірінші кезеңнің 37-секундында айдын иелерінен Егор Коробкин есеп ашқанымен, кезең соңына дейін жерлестеріміз үш гол соғып үлгерді. «Барыс» сапынан К.Панюков, Р.Старченко және Д.Диц мергендігімен көзге түсті. Екінші кезеңде «Металлургтің» қарқыны қатты болды. Айналдырған 12 минуттың ішінде Хенрик Карлссон қорғаған қақпаға жауапсыз төрт шайба салып, есепте қайтадан алға шықты. Үзіліске дейін Филип Вароне мергендік танытып, таблодағы көрсеткішті 5:4-ке қысқартты.

Кездесудің соңғы бөлігінде жерлес­теріміз жағдайды түзеу үшін барын салға­нымен, бәрібір көздеген нәтижесіне қол жеткізе алмады. Үшінші кезеңде де мық­тылық танытқан «Металлург» ойыншылары қақпамызға тағы да екі шайба соғып, кездесудің нүктесін қойды. Қорытынды есеп – 7:4. Екі команда арасындағы екінші кездесу де бүгін Магнитогорскідегі «Металлург Аренада» өтеді.

 

Соңғы жаңалықтар

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар