Қоғам • 04 Наурыз, 2021

Қызмет барысында зардап шеккен полицейлердің отбасы баспана төлемін алуды жалғастырады

23 рет көрсетілді

Қызмет барысында қаза тапқан немесе жарақат алған полицейлердің отбасы енді баспана төлемдерін алуды жалғастыра  береді. Сенаторлар бүгін Заң жобасына осындай түзету енгізіп, оны Мәжіліске қайтарды, деп хабарлайды Egemen.kz.

Бұл тармақ бұрын реттелмеген болатын. Яғни егер полицей қызмет кезінде жарақат алып, не қайтыс болса тұрғын үй жәрдемақысы тоқтатылатын. Бұл полицей мен оның отбасының онсыз да күрделі жағдайын едәуір қиындатады. Сенаторлар сақшылар отбасы осындай жағдайға душар болған кезде белгіленген төлемдерді ипотека мерзімі аяқталғанға дейін немесе жалдамалы тұрғын үй толық сатып алынғанға дейін сақтап қалдыру туралы ұсыныс айтты.

«Бас комитет қызметтік міндеттерін орындау кезінде ауыр жағдайға тап болған: жарақат алған, бір жерін сындырған немесе контузия алған ішкі істер органдарының қызметкерлерін, сондай-ақ қаза тапқан қызметкердің отбасы мүшелерін әлеуметтік қорғауға арналған түзетулер ұсынып отыр. Онда, атап айтқанда, ипотекалық шарт немесе кейіннен сатып алынатын тұрғын үйді жалдау шарты бойынша міндеттемелер орындалғанға дейін бұрын белгіленген тұрғын үй төлемдерін Үкімет белгілеген мөлшер мен тәртіпте сақтау ұсынылады», деп атап өтті сенатор Сергей Ершов өз баяндамасында.

Соңғы жаңалықтар

Ұқсас жаңалықтар