Сенатор Мемлекет басшысы өткен жылы мамандыққа байланысты мемлекеттік білім гранттарының құнын 1,3-2,7 есеге көтеруді тапсырғанын еске салды. Бұл ақша мақсатты түрде оқытушылар құрамының жалақысын көтеруге де жұмсалуы керек еді. Алайда бірқатар жоғары оқу орындарында ұстаздар жалақысы тиісті түрде өсе қойған жоқ.
«Себебі біздің жоғары оқу орындарының көпшілігінде бюджетті жұмсау мәселелері оқытушылармен де, ғылыми кеңеспен де келісілмейді, тек олардың менеджерлері жеке дара шешеді. Университеттерге академиялық еркіндік бере отырып, біз олардың ісіне сырттан араласуды шектеп, олардың басшылығына ауқымды өкілеттік беріп қойдық. Бірақ оқытушыларды басқару жүйесіне, атап айтқанда, дамыған елдердегідей профессорлық-оқытушылар құрамының ғылыми кеңестерге қатысуын, директорлар кеңесіне өкілдігін қамтамасыз ете алмадық», - деді Ақылбек Күрішбаев.
