«Отандасымыз, талантты музыкант Иманбек Зейкеновті «Грэмми» сыйлығын жеңіп алуымен шын жүректен құттықтаймын! Бұл – егемен еліміз үшін тарихи жеңіс және зор мәртебе. Дарынымен барша әлемді таң қалдырған жерлесіміздің алдағы уақытта бұдан да биік белестерді бағындыра беруіне тілектеспіз.
Иманбек бауырымыздың жеңісі барша қазақ жастарын қанаттандырып, алға жетелейтіні сөзсіз. Шын мәнінде, арманы асқақ, мақсаты айқын адам үшін алынбайтын қамал жоқ. Ең бастысы, ешқашан арманнан қол үзбей, сол жолда талмай еңбек ете білу керек. Жеңіс құтты болсын!» деп жазды М. Әшімбаев.
Еске сала кетейік, бұған дейін қазақстандық музыкант Иманбек Зейкеновтің Grammy сыйлығын жеңіп алғанын хабарлаған болатынбыз.
