Аймақтар • 17 Наурыз, 2021

Көрермен «Жәмиланы» күтіп жүр

64 рет көрсетілді

Облыстық Ж.Аймауытов атын­дағы музыкалық драма театры көрермендерін кезек­ті 32-ші маусымына шақыр­ды. Індетке орай жабыл­ған өнер ордасы бір жылға жуық үзілістен кейін қайта жұмы­сын бастады. Бұған дейін әлеу­меттік желілерде театр ұжы­мы­ның түрлі жобалары өткі­зіліп, жұмыс онлайн жал­ғасқан-ды.

Ал жаңа театр маусымы Мұхтар Әуезовтің «Абай жолы» роман-эпо­пеясының желісімен жазылған «Ерте ояндым, ойландым» қойылы­мымен ашылды.

Көрермен қауым сахнадан жас Абай­ды, ақынның балалық шағынан ержеткен уақытына дейінгі қоғам болмысын, ондағы қайшылықтарды көре алады. Туынды жас Абаймен бірге түңілтіп, сол бір уақыттың тар­тысты қатыгездігі, Қодар мен Қам­қаның қиын тағдыры қиналта күр­сінтеді.

Жас Абай рөлінде театрдың жас актері Абзал Жақып ойнады.

– Жас Абай болмысын, ішкі тебі­ренісін сахнадан беруге үлкен рухани дайындықпен келдім. Өлеңдерін оқып, «Қарасөздеріне» үңіліп, ойланып, толғану қажет болды, – дейді әртіс.

Қоюшы режиссер Әділет Ақа­нов­тың айтуынша, ұлы жазушы қаламынан туған шығарма тілін сахнадан сөйлету үшін әрбір әртіс ойлануы, өткенге үңілуі керек. Қойы­лымның сахнаға шығуына театр ұжымы, барлық әртіс­ қа­тысқан. Құ­нанбай қажы, Ұлжан, Зере аналарымыз секілді тұлғалы образдар көрініс тапты.

Тіпті спектакльге кіріспес бұрын әртістер Абай атамыздың туған жері Семей еліне барып, өткеннің ес­телік рухани шежіресімен танысып қай­тыпты.

Қазір театр репертуарында Ә.Ораз­баевтың «Бір түп алма ағашы», А.Вампиловтың «Ме­транпаж деген не?», Р.Отар­баев­­тың «Ғасыр қасіреті», М.Байд­жиевтің «Тіл та­бысқандар» қойы­лымы мен Д.Совет­­қалидің «Қас­қыр және жеті лақ», сондай-ақ М.Қарт­тың «Алдар көсе­нің дүрбісі» атты ертегілері бар.

Наурыз айының соңында көрер­мен­дер Шыңғыс Айтматов­тың «Жәмила» лирикалық драма­сы­ның премьерасын күтуде. Биыл көрер­мен көретін жақсы, мазмұнды шығар­малар жалғасын таппақ.

Ал театр маусымының кеш ашы­­луының тағы бір себебі: театр ғимаратына жөндеу жұмысы уа­қытында аяқталмады. Мердігер компанияның сапасыз жұ­мысы сотқа берілген. Ғима­рат­ты жөндеуге «Жұмыспен қамту­дың жол картасы-2020» мемле­кет­тік бағдарламасы аясында респуб­ли­калық бюджеттен 302 млн теңге бө­лінген.

 

ПАВЛОДАР

 

Соңғы жаңалықтар

Ертең Үкімет отырысы өтеді

Үкімет • Бүгін, 11:31

Тәуелсіздік тұлғалары

Елорда • Бүгін, 09:16

Аида – әлем чемпионы!

Спорт • Бүгін, 09:14

Алматы қаласы «сары» аймаққа өтті

Коронавирус • Бүгін, 09:09

«Ақ бидай» ойындары аяқталды

Ұлттық спорт • Бүгін, 09:03

Жастар жәрдемі

Аймақтар • Бүгін, 08:55

Сенім арт маған, туған ел!

Аймақтар • Бүгін, 08:54

Сақтанған сау қалады

Медицина • Бүгін, 08:47

Оқушыларға абай болайық

Аймақтар • Бүгін, 08:42

Дамудың сенімді іргетасы

Қазақстан • Кеше

Іні-досқа ілтипат хат

Руханият • Кеше

Ұқсас жаңалықтар