Қоғам • 26 Наурыз, 2021

Елордада «Ashyq» жобасына қатысуға ниет білдірген кәсіпкерлер көбейді

14 рет көрсетілді

Нұр-Сұлтан қаласында «Ashyq» жобасына қатысатын кәсіпкерлік субъектілер қатары 61-ге жетті. Нұр-Сұлтан қаласы эпидемиялық жағдайға байланысты «қызыл» аймаққа енгендіктен «Ashyq» пилоттық жобасына қатысуға ниет білдіретін, бұл жобадан шет қалғысы келмейтін кәсіпкерлік субъектілер қатары артып келеді, деп хабарлайды Egemen.kz қала әкімдігінің ресми сайтына сілтеме жасап.

Қазіргі уақытта Нұр-Сұлтан қаласында «Ashyq» жобасына 61 кәсіпкерлік субъектісі қатысып жатыр. Оның ішінде 22 фитнес клубы, 12 спа-орталық, 4 бассейн, 3 боулинг клубы, 16 компьютер клубы, 4 сауна бар.

Жоба аясында кәсіпкерлік субъектілері Денсаулық сақтау министрлігінің ПТР-зерттеулер туралы деректер базасымен біріктірілген «Ashyq» мобильді қосымшасымен жұмыс істейді. Жобаның артықшылығы — кәсіпкерлік субъектілерінің қай аймаққа орналасқанына қарамастан қызметін қайта бастауына немесе жалғастыруына болады.

Айта кету керек, мекемеге кірер сәтте келушілерге түстер бойынша мәртебе беріледі:

– «қызыл» мәртебе – қозғалысқа шектеу, өйткені адам амбулаториялық емделуде;
– «сары» мәртебе – ішінара шектеу, яғни ПТР арқылы байланыста болған;
– «көк» мәртебе – ПТР-анықтаманың болуы міндетті орындардан басқа жерлерде қозғалысқа шектеулер жоқ;
– «жасыл» мәртебе – COVID-19-ға теріс нәтижемен ПТР-тестілеуден өткен адам үшін шектеусіз қозғалыс.

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар