«Қазпошта» қызмет аясын кеңейтті

Компания цифрлы трансфор­мация аясында пошта-логис­тикалық қызмет көрсету сервисін жетілдіруге ерекше назар аударып келеді. Жү­йелі жұмыстардың нәтижесінде «Қазпошта» АҚ биыл «Кедендік өкілдер» тізі­ліміне енгізілді. Ен­ді компания халықаралық пошта жөнел­ті­лім­дері мен жүктерді кеден­дік ресімдеу қызметтерін толық ұсы­­натын болады. Кедендік өкілдің басты артықшылығы – кедендік ресімдеу қызметтерін «бір терезе» қағидаты бойынша көрсету.

– Бұл компанияның пошта-логистикалық қызмет көрсетудің толық­қанды моделін құру жолын­дағы негізгі қадамдарының бірі және оның мультипликативті әсері зор болмақ. Осылайша, компания ел тұрғындарына көрсетілетін қыз­меттер спектрін кеңейтіп отыр. Жеткізу мен сақтаудан бас­тап тапсырыстарды басқару және қозғалысты қадағалауға дейін то­лыққанды сервистік модельді ұсынамыз. Бұл үшін компания мамандары арнайы оқытылды, – деді «Қазпошта» АҚ-ның Логис­тикалық сервис жөніндегі басқарушы директоры Асқар Әбдікәрімов. 

Белгілі болғандай, халықара­лық пошта жөнелтілімдері мен жүктерді кедендік ресімдеу қыз­меттері әзірше Нұр-Сұлтан және Алматы қалаларында қол­жетімді болмақ. Кейін қызмет көр­сету аясын кеңейтіп, облыс орта­лық­тарының барлығын қамту жос­парлануда. Сондай-ақ көліктің барлық түрін қамту көзделуде.

– Егер жеке тұлғаның сәлем­демесінің құны 200 еуродан, ал салмағы 31 килодан асатын болса, онда ол міндетті түрде ке­дендік ресімдеуден өтуі керек. «Қазпошта» клиенттеріне осын­дай қызмет ұсынылып отыр. Қыз­мет ақылы, әлбетте. Қазір атал­ған процесті автомат­тандыру жүр­гізіліп жатыр. Клиент­тің қыз­метке онлайн режімде тап­сырыс беру мүмкіндігі қарас­тырылуда, – деп нақтылады А.Әбдікәрімов. 

Сондай-ақ компания қазір уә­кілетті экономикалық опера­тор мәртебесін алу бойынша жұ­мыс жүргізуде. Ол Еуразиялық эко­номикалық одаққа кіретін мем­­лекеттердің шекарасын кесіп өту кезінде жүктерді ресімдеудің оң­тайландырылған тәртібін пай­далануға жол ашады. Бұл өз кезе­гінде халықаралық пошта жөнел­тілімдері мен жүктерді жеткізуді жеделдетуге мүмкіндік береді.

– «Қазпоштаның» 2027 жылға дейінгі даму стратегиясы аясында кедендік қызметтерді қамтамасыз ету – кешенді логистикалық қыз­мет­терді құрудың бір бөлігі. Бұл ретте арнайы логистикалық сервис филиалы құрылғанын атап өткен жөн. Оның міндеті – ішкі және сыртқы нарықтарға кедендік-логистикалық қыз­меттер көрсету. Сондай-ақ та­сы­­­малдау, уақытша сақтау қыз­меттерін ұсыну. Логистикалық про­цестерді оңтайландырып әрі жедел­детіп, қызметтердің барлық спектрін ұсыну негізінде өңірлік саясатты дамытамыз, – дейді А.Әбдікәрімов.