Қоғам • 09 Сәуір, 2021

Халықаралық Түркі академиясының президенті Ясауи университінің ректорымен кездесті

46 рет көрсетілді

Бүгін Халықаралық Түркі академиясының президенті Дархан Қыдырәлі Түркістан қаласындағы сапары аясында Қожа Ахмет Ясауи атындағы Халықаралық қазақ-түрік университетіне арнайы барып, таяуда тағайындалған ректоры Жанар Темірбековамен кездесті, деп хабарлайды Egemen.kz академияның баспасөз қызметіне сілтеме жасап.

Академия басшысы Дархан Қыдырәлі  Жанар Амангелдіқызын университет басшылығына тағайындалуымен құттықтап, жауапты қызметте табысты болуына тілектестік білдірді.

Сонымен қатар тараптар түркі әлемінде ғылым мен білім саласындағы ынтымақтастықты тереңдету, Түркі кеңесі саммитінде мемлекет басшылары көтерген бастамалар мен тапсырмаларды бірлесіп жүзеге асыру, түркі халықтарындағы тұғырлы тұлғалардың тағылымы мен мұраларын насихаттау, «Түркістан – түркі әлемінің рухани астанасы» тақырыбы төңірегінде ортақ жобаларды қолға алу қатарлы мәселелер бойынша пікір алмасты.

Кездесу соңында академия басшысы университет ректорына Түркі академиясы жарыққа шығарған бірқатар бағалы басылымды сыйға тартты.

Соңғы жаңалықтар

Алматы қаласында жер сілкінді

Аймақтар • Бүгін, 17:39

Мереке қарсаңында марапатталды

Аймақтар • Бүгін, 13:58

Ұқсас жаңалықтар