Балаға аудандық орталық ауруханада көмек көрсетілді. Медицина қызметкерлері оқиға жайлы полицейлерге хабарлаған. Апатқа кінәліні анықтау бойынша жұмыстар жүргізілді. Оған бейнебақылау камераларының көмегі тиді. Келесі күні СҚО ПД Жергілікті полиция қызметі құқық бұзушыны ұстады. Ол 34 жастағы Аққайың ауданының тұрғыны болып шықты. Оған қатысты Әкімшілік құқық бұзушылық туралы кодексінің 611-бабы -«Жүргізушінің жол-көлік оқиғасына байланысты міндеттерді орындамауы» бойынша хаттама толтырылды. «Жүргізуші қорқып кеткенін және болған жағдайдан не істерін білмегенін айтты. Оның жүргізуші куәлігі алынып, көлігі арнайы тұраққа қойылды. Сонымен қатар, баланың алған жарақаттарының ауырлығын анықтау үшін сот-медициналық сараптамасы тағайындалды. Сараптама нәтижелері бойынша процессуалдық шешім қабылданады», дейді Солтүстік Қазақстан облысының Полиция департаменті Жергілікті полиция қызметі басқармасының іздеу тобының аға инспекторы, капитан Алексей Морев.
