«Теннис орталығы маңында ыстық су жүретін құбыр жарылып, алаңда көлшік пайда болды. Қайнаған су орталық жолдың жүретін бөлігін ғана емес, шетіндегі ағаштардың бәрін шайып кетті», дейді қала тұрғыны.
«Теплотранзит Қарағанды» ЖШС өкілдері талдарға зиян келмейтінін айтады. Ал су 15 жылдан бері қолданылып келе жатқан құбырдан аққан. Бұл жер қауіпсіздік аймағы болғандықтан сегіз метр қашықтықта ештеңе болмауы керек.
«26 сәуірде жұмыс бригадасы М5 магистраль желісінің құбырында диаметрі 1000 миллиметр жарық барын анықтады. Қазіргі уақытта ақауды жою үшін дайындық жұмыстары жүріп жатыр. Жақын арада сол жерде қалдық суды сорып алатын ассенизаторлық машина іске қосылады», деп хабарлады «Теплотранзит Қарағанды» ЖШС өкілдері.
