Белгілі болғандай, оқиға 27 сәуір күні Желаев кентінде болған. Төтенше жағдайлар департаментіне тұрғын үйдің отқа оранғаны жөнінде хабар сағат 08.44-те Шоссейная көшесі №8 мекенжайынан түскен.
«Өрттің аумағы 120 шаршы метрді қамтыды. Оқиға орнынан үй иесінің 1937 жылғы анасы жоғары қан қысымымен ауруханаға жеткізілді. Өрт сағат 09.43-те оқшауланып, 10.12-де толықтай ауыздықталды. Оқиға орнына 22 өрт сөндіруші, 6 техника, медициналық апаттар орталығы және Орал қаласы ТЖ басқармасы қызметкерлері жұмылдырылды», делінген хабарламада.
