Қазақстан • 05 Мамыр, 2021

Түркі академиясының басшысы Қырғызстан Сыртқы істер министрімен телефон арқылы сөйлесті

74 рет көрсетілді

Бүгін Халықаралық Түркі академиясының президенті Дархан Қыдырәлі Қырғыз Республикасының Сыртқы істер министрі Руслан Казакбаевпен телефон арқылы сөйлесті, деп хабарлайды Egemen.kz Халықаралық Түркі академиясының баспасөз қызметіне сілтеме жасап.

Әңгімелесу барысында Академия басшысы Баткендегі қайғылы оқиғаға байланысты тағы да көңіл айтып, қашанда бауырлас қырғыз елінің жанында екенін жеткізді.

Сондай-ақ Дархан Қыдырәлі Сыртқы істер министрін бүгінгі Қырғыз Республикасының Конституциясы күнімен және елдің референдум арқылы қабылданған жаңа Ата заңы бойынша президенттік басқару жүйесіне өтуімен құттықтады.

Өз кезегінде Руслан Казакбаев Баткендегі ахуал жөнінде мәлімет беріп, білдірген қолдауы мен құттықтауы үшін Академия басшысына алғыс айтты.

Соңғы жаңалықтар

Ұқсас жаңалықтар