![Көкшетауда көпқабатты үйден өрт шығып, 30 адам эвакуацияланды](/media/2021/05/11/092314231200.jpg)
Ведомствоның мәліметінше, өрт мамырдың 11-і күні Көкшетау қаласындағы Буденный көшесі 60 мекенжайында орналасқан көпқабатты тұрғын үйде болған. Өрт туралы хабарлама сағат 04:18-де түскен.
«Өрт аумағы 30 шаршы метрді құрады. Одан 30 адам эвакуацияланды, оның 10-ы балалар. Тілсіз жауды ауыздықтауға облыстық ТЖД жеке құрамынан 22 адам және 6 өрт сөндіру техника жұмылдырылды. Өрт сағат 04:40-та ауыздықталып, 04:48-де сөндірілді. Қазіргі кезде өрттің шығу себебі анықталып жатыр», деді Ақмола облыстық төтенше жағдайлар департаментінің өкілдері.